NGILEHILELƐ ƐLƐKA 18A
Gyihova Ɛbɔ Kɔkɔ Kɛ Konle Kpole Bie Ɛlɛba
Ngapezo ngakyile wɔ Baebolo ne anu mɔɔ bɔ konle kpole ne mɔɔ Gyihova balua zo abɔ menli kɔsɔɔti mɔɔ dwazo tia ye nee ye menli ne abo zo la anwo kɔkɔ a. Bie mɔ a wɔ ɛke la. Kɔkɔbɔlɛ ɛhye mɔ zɔho bɛ nwo kpalɛ, Gyihova ɛyɛ ye mɔɔ alesama kɔsɔɔti bɛanyia adenle ade na bɛayɛ nwolɛ debie a.
TETE YIZILAYƐMA MEKƐ ZO
YIZIKEƐLE: “‘Mebavɛlɛ konle dadeɛ meara [Gɔgo anwo zo] wɔ me awoka ne mɔ amuala azo,’ Tumivolɛ Awulae Gyihova a se a.”—Yiz. 38:18-23.
GYƐLƐMAYA: ‘Gyihova mumua ne babua menli kɔsɔɔti ndɛne. Ɔbaye amumuyɛma yeamaa konle dadeɛ.’—Gyɛ. 25:31-33.
DANEƐLE: ‘Anwuma Nyamenle ne bava belemgbunlililɛ bie azie ɛkɛ. Ɔbabubu arelemgbunlililɛ ɛhye mɔ amuala na yeabɔ bɛ bo zo.’—Dan. 2:44.
ƐVOYA MƆƆ LIMOA Y.M.
GYISƐSE: ‘Anwongyelelɛ kpole mɔɔ sumunli kɛ ewiade bɔle ɔ bo badwu ɛnɛ bie ɛtɛsile ɛlɛ la bara.’—Mat. 24:21, 22.
PƆƆLO: ‘Gyisɛse nee ye anwumabɔvolɛma mɔɔ bɛlɛ tumi la bali bɛdabɛ mɔɔ bɛnze Nyamenle la nzenralɛ.’—2 Tɛs. 1:6-9.
PITA: ‘Gyihova kenle ne bara kɛ awule la, na azɛlɛ ne nee nuhua gyima bala ali.’—2 Pita 3:10.
DWƆN: ‘Konle dadeɛ tendenle nlane bie vi Gyisɛse anloa anu finde, ɔbava yeazɛkye maanle maanle ne mɔ.’—Yek. 19:11-18.
ƐNƐ MEKƐ YE
Bɛhile Baebolo ne abo bɛhɔ aneɛ dɔɔnwo anu yɛɛ bɛhyɛ ye dɔɔnwo bɛdɛla buluku biala
ƐNƐ MEKƐ YE GYIHOVA AZONVOLƐ . . .
-
Fa Baebolo nwo mbuluku mgbe mgbe mɔɔ wɔ aneɛ ɛya dɔɔnwo anu la maa
-
Fa dɔnehwele mgbe ɛya ɛya ka edwɛkɛ ne ɛvolɛ biala
