KAHON NGA NAGTUTUTDO 18A
Mga Pahamangno ni Jehova Parte ha Tiarabot nga Daku nga Girra
An Biblia may damu nga tagna nga nagpapahamangno parte ha ultimo nga girra diin pupoohon ni Jehova an mga nakontra ha iya ngan ha iya katawohan. Mababasa dinhi an pipira hito. Obserbari an kaparihoan hini nga mga pahamangno, ngan tigamni nga ginsisiguro ni Jehova nga an ngatanan nga tawo magkaada oportunidad nga mabatian ito ngan gumios uyon hito.
PANAHON HAN KADAAN NGA ISRAEL
EZEKIEL: “‘Magpapatawag ako hin espada kontra [kan Gog] ha ngatanan ko nga kabukiran,’ nasiring hi Jehova nga Soberano nga Ginoo.”—Ezek. 38:18-23.
JEREMIAS: “Huhukman [ni Jehova] mismo an ngatanan nga tawo. Ngan iya pamamatayon an magraot.”—Jer. 25:31-33.
DANIEL: “An Dios han langit mag-iestablisar hin ginhadian . . . Dudugmukon ngan bubungkagon hini ito ngatanan nga ginhadian.”—Dan. 2:44.
SIYAHAN NGA SIGLO C.E.
JESUS: “Magkakaada daku nga kasakitan nga waray pa mahitabo tikang ha tinikangan han kalibotan.”—Mat. 24:21, 22.
PABLO: ‘Hi Jesus upod an iya gamhanan nga mga anghel nabulos ha mga diri nakilala ha Dios.’—2 Tes. 1:6-9.
PEDRO: “An adlaw ni Jehova maabot sugad hin kawatan, . . . ngan an tuna ngan an mga buhat dida hito mabubuhayhag.”—2 Ped. 3:10.
JUAN: “Ha [kan Jesus] baba may nagawas nga matarom, hilaba nga espada nga gagamiton ha pag-atake ha mga nasud.”—Pah. 19:11-18.
MODERNO NGA PANAHON
An Biblia an may pinakadamu nga hubad ngan distribusyon ha bug-os nga kasaysayan
AN MGA ALAGAD NI JEHOVA HA MODERNO NGA PANAHON . . .
-
Nananaltag hin binilyon nga kopya hin mga literatura nga basado ha Biblia ha ginatos nga yinaknan
-
Nagamit hin ginatos ka milyon nga oras kada tuig ha pagsangyaw
