KOTAK KETERANGEN 21A
“Taneh Sumbangen si ‘Arus Ipisahken’”
Mari siikutken Esekiel erdalan-dalan bas taneh si ipisahken man Jahwe e. Taneh e ibagi jadi lima bagin. Kai saja bagin-bagin e? Janah kai tujunna?
A. “Taneh Sumbangen”
Taneh e ipake jadi ingan organisasi guna ndalanken tugasna.
B. “Kerina Taneh si Isumbangken”
Taneh e ipisahken man imam-imam, man kalak Lewi, bage pe man kota si gelarna “Jahwe Lit i Je.” Kalak arah 12 suku Israel reh ku daerah e guna nembah Jahwe janah ndukung organisasi si lit i je.
C. “Daerah Peminpin”
“Taneh e jadi jangna bas Israel pagi.” “Taneh e jadi jang peminpin.”
D. “Taneh si Badia si Isumbangken”
Bagin enda igelari ka “bagin si badia.” Si arah datas ibereken man “kalak Lewi.” “Taneh e badia.” Si arah tengah eme “sumbangen si badia man imam-imam.” Taneh e jadi “ingan rumah-rumah kalak e bage pe ingan si badia man rumah pertoton.”
E. “Daerah si Sisa”
“Taneh e jadi jang kerina kalak Israel.” “Daerah si sisa e iban jadi ingan penduduk kota eme guna ingan rumah-rumah ras mbalmbal.”
