KAHON SA IMPORMASYON 21A
“Ang Amot nga Inyong Ilain”
Atong sundan si Ezequiel sa iyang pagsusi sa luna sa yuta nga gilain ni Jehova. Duna kiniy lima ka bahin. Unsa kini nga mga bahin? Ug unsay katuyoan niini?
A. “Ang Amot”
Kini maoy para sa administrasyon ug gitawag nga “ang luna sa administrasyon.”
B. “Ang Tibuok nga Amot”
Gilain kini para sa mga saserdote, mga Levihanon, ug sa siyudad. Dinhi sab mosulod ang mga sakop sa 12 ka tribo aron mosimba kang Jehova ug mosuportar sa kahikayan sa administrasyon.
C. “Ang Teritoryo sa Pangulo”
“Kining yutaa iyang mapanag-iya diha sa Israel.” “Kini maoy alang sa pangulo.”
D. “Ang Balaang Amot”
Kini gitawag sab nga “balaang bahin.” Ang ibabaw nga seksiyon maoy “alang sa mga Levihanon.” “Balaan kini.” Ang tunga nga seksiyon mao “ang balaang amot alang sa mga saserdote.” Kini maoy “dapit alang sa ilang mga balay ug sagradong dapit alang sa sangtuwaryo,” o templo.
E. “Ang Nahibiling Luna”
“Kini maiya sa tibuok panimalay ni Israel” ug “gamiton sa katawhan sa siyudad, aron tukorag mga balay ug himoong sibsibanan.”
