REIKUAAVE HAG̃UA 21A
“Peaparta vaʼerã peteĩ párte pe yvy kontrivusiónramo”
Ñamoirũmína Ezequiélpe haʼe ohecha porãvévo pe yvy Jehová oaparta vaʼekue. Péva ningo oreko 5 párte. ¿Mbaʼépa hína umíva, ha maʼerãpa oservi?
A. Pe “kontrivusión”
Ojeaparta oipuru hag̃ua pe goviérno ha oñehenói chupe “pe lugár oĩháme umi ogovernáva”.
B. “Pe yvy sagrádo”
Ojeaparta umi saserdótepe g̃uarã, umi levita ha pe siudápe g̃uarã. Avei enterove umi oĩva umi 12 trívupe ikatu oike upe pártepe oadora hag̃ua Jehovápe ha oapoja hag̃ua pe goviérnope.
C. “Pe kuimbaʼe oporomoakãva yvy”
“Ko yvy oñemeʼẽtava chupe, haʼéta hína pe párte otokátava chupe Israélpe”. ‘Pe yvy oñemeʼẽta pe kuimbaʼe oporomoakãvape’.
D. “Pe kontrivusión sagráda”
Upéva héra avei “peteĩ lugár sagrádo”. Pe párte yvategua haʼe “umi levítape g̃uarã”, ha “sagrádo hína”. Pe párte mbytepegua haʼe hína “pe kontrivusión sagráda ojeapartátava umi saserdótepe g̃uarã”. “Péva haʼéta peteĩ lugár hogakuéra rendag̃ua ha peteĩ lugár sagrádova pe témplope g̃uarã”.
E. “Pe párte hembýva”
“Upéva opytáta kompletoite Israel rogayguápe”, ha “upépe oĩ pe siuda ha pe pastoty, ha pe yvy ndahaʼéi sagrádo. Síno upéva oipurúta umi hénte oiko hag̃ua pype”.
