APOTIN NUPINPLỌN TỌN 21A
“Nunina He Mì Na Dedovo”
Mì gbọ mí ni hodo Ezekiẹli dile e to ayidonugo sọwhiwhe tọn na aigba he Jehovah dedovo lọ. E bẹ adà atọ́n hẹn. Adà tẹlẹ wẹ? Podọ lẹndai tẹlẹ wẹ yé tin na?
A. “Nunina lọ”
E tin na tito gandudu tọn de he sọ nọ yin yiylọdọ “tito anadenanu tọn.”
B. “Nunina lọ Blebu”
E yin didedovo na yẹwhenọ lẹ, Levinu lẹ po tòdaho lọ po. Humọ, mẹhe wá sọn hẹnnu 12 lọ lẹpo mẹ lẹ nọ biọ adà ehe mẹ nado basi sinsẹ̀n hlan Jehovah podọ nado nọgodona tito anadenanu tọn lọ.
C. “Aigba Ahọvi lọ Tọn”
“Aigba ehe na lẹzun nutindo etọn to Islaeli mẹ.” “E na yin ahọvi lọ tọn.”
D. “Nunina Wiwe Lọ”
Adà ehe sọ nọ yin yiylọdọ “nunina wiwe de.” Adà he to aga lọ tin “na Levinu” lẹ. “Onú wiwe de wẹ.” Adà he to ṣẹnṣẹn lọ yin “nunina wiwe de na yẹwhenọ lẹ.” “Finẹ wẹ yé na gbá owhé yetọn lẹ do bọ e nasọ yin nọtẹn wiwe de na fiwiwe lọ,” kavi tẹmpli lọ.
E. “Lẹdo He Pò” Lọ
“E nasọ yin owhé Islaeli lẹpo pete tọn” bo “na nọ yin yiyizan gbọn mẹhe nọ nọ̀ tòdaho lọ mẹ lẹ dali, yèdọ na owhé podọ na kanlindugbo.”
