ҚОРШАУ 21А
“Тарту ретінде бөліп қойыңдар”
Ехобаға арнап бөлінген жер телімін қазір жақыннан көрейік. Ол бес бөліктен тұрады. Бұл қандай бөліктер? Олар не мақсатпен бөлінген?
А. “Тарту”
Ұзыннан жатқан бұл жерде басқарма істері жүргізіледі.
Ә. “Төртбұрышты тарту”
Бұл жер діни қызметкерлер, леуіліктер және қала үшін бөлінген. Ол жерге 12 рудың адамдары да келіп, Ехобаға ғибадат етеді және қаладағы басқарма ісіне қолдау көрсетеді.
Б. “Басшыға арналған жер”
“Бұл жер басшының Исраилдегі иелігіне айналады”. “Жер телімі басшының меншігі болады”.
В. “Киелі тарту”
Бұл жер “киелі аудан” деп те аталады. Оның жоғарғы бөлігі “леуіліктерге” арналған, әрі “ол Ехоба үшін киелі болып есептеледі”. Ал ортаңғы бөлігі — “діни қызметкерлерге арналған киелі тарту”. “Олардың тұратын үйлері мен ғибадатханаға арналған киелі орын сол жерде болады”.
Г. “Қалған жер”
“Бұл бүкіл Исраил үйінің меншігі болмақ”, әрі ол “жалпы қолданысқа, яғни үй салып, мал жаюға беріледі”.