KAZUBU KA 21A
“Dipa dinudi ne bua kuteka ku luseke”
Tulondayi Yehezekele padiye wenda ukenketa bimpe tshitupa tshia buloba tshidi Yehowa muteke ku luseke. Tshidi ne miaba itanu. Mmiaba kayi ayi? Ivua ne mudimu kayi?
A. “Dipa”
Mmuaba uvua mbulamatadi wenzela midimu, bavua bawubikila kabidi ne: “katupa ka buloba ka balombodi.”
B. “Dipa dijima”
Etshi ntshitupa tshia bakuidi, bena Lewi ne tshimenga. Bena mu bisa 12 badi pabu babuelamu bua kutendelela Yehowa ne kutua malu adiye mulongololamu mpanda.
C. “Tshitupa tshia buloba tshia mfumu”
“Buloba ebu nebulue buende yeye mu Isalele.” ‘Nebuikale bua mfumu.’
D. “Dipa dia tshijila”
Badi babikila kabidi muaba eu ne: “tshitupa tshia tshijila.” Ku mutu kuatshi nkua “bena Lewi.” ‘Ntshintu tshia tshijila.’ Pankatshi patshi ‘ndipa dia tshijila dia bakuidi.’ ‘Mmuaba wa nzubu yabu ne muaba mujidila bua muaba munsantu,’ anyi ntempelo.
E. “Tshipapu tshidi tshishala”
“Netshikale bua nzubu mujima wa Isalele” ne “netshikale tshia kuenzela malu makuabu a mu tshimenga, bua kuibaka nzubu, ne bua mpata wa kudishila nyama.”
