ENCADRÉ SO AFA YE NA ZO 21A
“Mbage ti sese so ala yeke zia ni nde na matabisi”
Zia e mû peko ti Ézéchiel na ngoi so lo yeke bâ mbilimbili mbage ti sese ni so Jéhovah azia ni nde. A kangbi yâ ni na ambage oku. A yeke ambage wa? Kua ti nyen la a yeke sara dä?
A. “Matabisi”
A yeke ndali ti akua ti gouvernement nga a iri ni “ndo so ada ti gouvernement ayeke dä.”
B. “Ndo ni kue so a mû na matabisi”
A zia ni nde ndali ti aprêtre, azo ti mara ti Lévi nga na gbata ni. Azo ti amara 12 kue alï nga na mbage ni so ti voro Jéhovah nga ti mû maboko na ndokua ni.
C. “Sese ti mokonzi ni”
“Sese so mokonzi ayeke wara ande na kodro ti Israël la.” “A yeke ga ti mokonzi ni.”
D. “Sese so ayeke nzoni-kue”
A fa nga ndo so tongana “ndo so a zia ni nde.” Mbage so ayeke na nduzu ayeke “ti azo ti mara ti Lévi”. “A zia ni nde ndali ti Jéhovah.” Mbage so ayeke na milieu ayeke “ndo so a yeke zia ande ni nde ndali ti aprêtre”. A yeke “na ndo ni so la aprêtre ayeke sara da ti ala dä, temple ni nga ayeke duti na ndo ni so ayeke nzoni-kue so.”
E. “Tanga ti ndo ni so angbâ”
“Ndo ni so ayeke ti azo ti Israël kue” na “ayeke duti ande ti azo ti kodro ni ti tene ala leke ada na ndö ni nga ti tene anyama ti ala ate pere dä.”
