LIBHOKISI LEKUFUNDZISA 21A
‘Indzawo Lokufanele Uyibekele Eceleni’
Asesibone njengobe Hezekeli abukisisa sicephu sendzawo lehlukaniswe nguJehova. Lesicephu sinetindzawo letisihlanu. Tiyini letindzawo, futsi tifeza yiphi injongo?
A. ‘Indzawo Lengumnikelo’
Isetjentiswa nguhulumende futsi iphindze ibitwe nangekutsi sicephu sebaholi.
B. “Yonkhe Lendzawo Lengumnikelo”
Yindzawo yebaphristi, emaLevi neyelidolobha. Bantfu labachamuka kuto tonkhe letive letingu-12 nabo bayangena kulendzawo kute bakhonte Jehova futsi basekele nebaholi.
C. “Indzawo Yemholi”
“Lendzawo itawuba lifa lakhe ka-Israyeli. Itawuba yemholi.”
D. ‘Indzawo Lengumnikelo Longcwele’
Lendzawo iphindze ichazwe ngekutsi “sicephu lesingcwele.” Incenye lengetulu ‘yemaLevi,’ futsi “ingcwele.” Incenye lesemkhatsini ingumnikelo “longcwele webaphristi.” Iyindzawo “yetindlu tabo kanye nendzawo lengcwele yelithempeli.”
E. “Indzawo Lesele”
“Itawuba yaso sonkhe sive saka-Israyeli” futsi “itawuba yekwenta imisebenti levamile leyentiwa kulelidolobha, ibe yekwakha tindlu neyemadlelo.”
