LEBOKOSE LA 21A
“Monehelo oo le Tla o Behella ka Thoko”
A re ke re boneng naha eo Jehova a e beheletseng ka thoko. E na le dikarolo tse hlano. Ke dikarolo dife? Mosebetsi wa tsona ke ofe?
A. “Monehelo”
Sebakeng sena ho etswa mosebetsi wa ho tataisa le ho busa.
B. “Sebaka Sohle se Fanweng e le Monehelo”
Sebaka sena se beheletswe ka thoko bakeng sa baprista, Balevi le motse. Hape batho bohle ba tswang malokong a 12 ba kena sebakeng sena ho tla rapela Jehova le ho tshehetsa batho ba etellang pele.
C. “Sebaka sa Kgosana”
“Karolo ena e tla ba lefa la hae naheng ya Iseraele.” “E tla ba sa kgosana.”
D. “Monehelo o Halalelang”
Sebaka sena se boetse se bitswa “karolo e halalelang.” Karolo e ka hodimo ke ya “Balevi.” Sebaka seo ‘se a halalela.’ Karolo e mahareng ke “monehelo o halalelang wa baprista.” “Ke moo matlo a bona le sebaka se halalelang sa tempele di tla ba teng” kapa tempeleng.
E. “Sebaka se Setseng”
“E tla ba sa Baiseraele bohle” mme “se tla sebediswa ke batho bohle e le makgulo ba be ba hahe matlo ho sona.”
