BOGISI ḼA U FUNZA 21A
“Tshipiḓa Tshine Na Tea U Tshi Vhetshela Thungo”
Kha ri tshimbidzane na Hesekiele musi a tshi sedzulusa shango ḽine Yehova a ḽi vhetshela thungo. Ḽi na zwipiḓa zwiṱanu. Ndi zwifhio? Nahone zwi shumiselwa mini?
A. “Tshipiḓa”
Ndi tshipiḓa tshine tsha shumiswa nga muvhuso.
B. Tshipiḓa Tshine Tsha Tea U ‘Vhetshelwa Thungo’
Tsho vhetshelwa vhotshifhe, Vhalevi na muḓi. Zwiṅwe hafhu, vhathu vha bvaho kha tshaka dzoṱhe dza 12 vha dzhena kha tshenetshi tshipiḓa u itela u gwadamela Yehova na u tikedza ndangulo i re kha ḽifhasi.
C. “Shango Ḽa Murangaphanḓa”
“Zwenezwi zwipiḓa zwa shango zwi ḓo vha zwawe kha ḽa Isiraele.” “Zwi ḓo vha zwa murangaphanḓa.”
D. “Fhethu Hukhethwa”
Henefha fhethu hu dovha ha vhidzwa “tshipiḓa tshikhethwa.” Tshipiḓa tsha nga nṱha ndi tsha “Vhalevi.” Ndi “tshikhethwa.” Tshipiḓa tsha vhukati ndi “fhethu hukhethwa ha vhotshifhe.” Ndi “fhethu ha nnḓu dzavho na fhethu ho khethelwaho nnḓu khethwa” kana thembele.
E. “Fhethu Ho Salaho”
“Tshenetsho tshipiḓa tshi ḓo vha tsha vhoṱhe vha nnḓu ya Isiraele” nahone “hu vhe ha muḓi, hu ḓo vha ha u fhaṱa dzinnḓu na ha pfulo.”
