IBHOKISI LOKUFUNDISA 21A
“Umnikelo Okufanele Niwuhlukanisele UJehova”
Ake silandele uHezekeli njengoba ebuka ingxenye yezwe uJehova ayihlukanisele injongo ekhethekile. Inezindawo ezinhlanu. Yiziphi lezo zindawo? Zifeza yiphi injongo?
A. “Umnikelo”
Indawo esetshenziswa uhulumeni futhi ibizwa ngokuthi “ilungiselelo lokuqondisa.”
B. “Wonke Umnikelo”
Indawo ehlukaniselwe abapristi, amaLevi nedolobha. Kanti futhi bonke abantu abavela ezizweni ezingu-12 bangena kuyo ukuze bazokhonza uJehova futhi basekele ilungiselelo lokuqondisa.
C. “Indawo Yesikhulu”
“Leli zwe liyoba ngelaso kwa-Israyeli.” ‘Liyoba elesikhulu.’
D. “Umnikelo Ongcwele”
Le ndawo ichazwa nangokuthi “ingxenye engcwele.” “Ingxenye engenhla eyamaLevi.” “Iyinto engcwele.” Ingxenye ephakathi nendawo “ingumnikelo ongcwele wabapristi.” ‘Iyindawo yezindlu zabo nendawo engcwele yendlu engcwele,’ noma ithempeli.
E. “Indawo Esele”
“Iyoba eyayo yonke indlu ka-Israyeli” “iyosetshenziswa abantu abavamile edolobheni, bayisebenzisele ukuhlala nokuthi ibe yidlelo lemfuyo.”
