ASUKUL ABUKAAPHỌM ILỌ OMHẠR PHỌ Abukọy eten dị odi igbo 23 kụ eghị esi 65 asiạ kụ omoọgh ḍiḅeraạn oraramị arukumuan phọ abidị omạgh aani ni oghị aani amitin abulọ rowạ oghị aani Asukul Abukaaphọm Ilọ Omhạr Phọ ootaany aSondị phọ. Kogbeelom ni okạr esi phọ r’amem mọ kopạm bọ mitin phọ.

ABUỌ OPHAMAGHẠN Buọ ophamaghạn phọ ongọ oḍighi olhoghonhaạn anạ ḍighaạgh. Seseeny naghanhạn ni bidị eten dị emunughan esi odaphạn ghan iiḅakiọm mọ abidị idị egbolhomaam riisi osereghi asimoto, r’ooḅakị awe phọ r’oḍigh bọ koḅilhẹ omite esi phọ isiẹn phọ, oseerean esi orọl ude, ḅilẹ r’inhọn araraạr.

OḌIINY AMUỤM Ariisi orologhụ dị oseenhaan buọ oḍiiny amuụm mọ ketọl li epẹ ogbotu phọ, ghisigh eegbolhom mọ, epel lọ oḅilẹ oghaạph inhọn. Abuọ oḍiiny amuụm mọ orologhụ pạ phọ kụ egbi oteẹny amem dị oghaạph oḍiiny amuụm mọ kamiigh ḍiroọr aSatodee phọ. Torobọ onyọ abidị aphạm arumom towẹl r’iinmenhian dị esooran obobọ amuụm ateẹny ke/ḍeenhaan loor.

IISOGH Amubogorọ amalheom ni, kụ edị olheom bọ ookolobian omiteom ariisi orologhụ dị ekasiạn, ikpamaghineẹn eḍọgh, siTv phọ, ḅilhẹ r’inhọn odọ arukumuan dị keḍighi idị yira kokelhọm ookpomhoghan phọ ophọn phọ yira oru bọ r’olhoghonhaạn ayira ḍighaạgh oḍuraan otuman aJihova. Iisogh phọ anạ nyinạ u/kpaariọm bọ keloghonhaạn ḍighaạgh ookpereghi amaleom mọ amuẹn phọ, eḅilhẹ eloghonhaạn ḍighaạgh oḍighi oomo aḅirinhi phọ. Dị kedughanaan nyinạ, osereghi yogh ni igbe iisogh dị odoghoḍi ni reelhegh dị eegholaan oomo esi phọ isiẹn. Oomo iisogh okạr ri omaghamị maạr. ALoor phọ Repogh bọ omoọgh ni ḍiḅeeraạn kụ rosẹph ni nyinạ loor olhoghonhaạn aḍighaạgh onmo inmo phọ anạ ilọ aḍiḅeraạn Omhạr phọ.

IḄẸL AROOKONOM Ka/lẹ legheri iduọn mọ iphẹn phọ ilọ IYAẠR EKPERENHOM BỊN.

IPHE NI KỤ MOMHIỊN Oomo araraạr dị ephe kụ omhiịn osighẹ oghị epẹ Otu-oḍighi phọ oghol bọ mọ Iphe Ni Kụ Momhiịn. Eḍighi maạr dị iyaạr anạ ephe, pọ kiạ epẹ otu-oḍighi phọ ophọn phọ amạ aagholhomhi raraạr emhoọgh phọ anạ. Ibạm-anmụny lọ mophe ḍighaạgh odẹ r’onhiin abidị kụ omiịn, osighẹ oghị epẹ otu-oḍighi phọ ophọn phọ. Toroboiperolbọ, ku/sighẹ mọ esi phọ isiẹn eḍighi esi iibia, ka/lẹ maạr aphogh ibạm-anmụny phọ anạ, aseere bidị esi phọ ipạ nạ odi bọ.

ARIISI OROLOGHỤ Ka/lẹ moọgh ni ogbolhomaam abunhọn awe. Legheri mọ, nạ katue ni aseenhaan esi orọl buọ eghun-otu anạ r’abuphẹ r’anạ eḍigh bọ oniin amoto phọ, r’abuphẹ r’anạ edi bọ muniin amarugh phọ, obobọ r’abulọ nạ ratughemị ghan Baibul. Seseeny u/ḅamaghị ghan raraạr riisi orologhụ phọ ekitonom bọ nyinạ.

OMITEOM ALOOR OKUMUAN Eḍighi maạr dị eḅeraạn nyinạ olhoghonhaạn aḍighaạgh iikolhobian ookpomhoghan phọ, pọ ka/lẹ kiạ ateẹny buọ otu-oḍighi phọ ophọn phọ.