FYƆÐUXU ŊƐNYWIDRATƆWO SUKLU Emɔɖetɔ ciwo yí ɖo exwe 23 sɔ yi 65 yí ji mɔ yewoakeke kunuɖeɖedɔ yewo tɔ dojiɔ, atɛnŋ ava bɔbɔ ci woawa le kwɛshilagbe nyidɔnmɛ keŋ axɔ enyɔtakankanwo kudo suklu lɔ nu. Woana gamɛ koɖo texwe ci woawɛ le, le nunɔwoasewo mɛ.

ANYINƆXUJIKPƆTƆWO Woɖo anyinɔxujikpɔtɔwo ɖɛ mɔ woakpedo eo nu. Mìɖe kuku, do alɔ wo nywiɖe le wawa do wowo mɔdasɛnamɛwo ji kudo ehun, zokeke alo keke dadoxu, fini woato, texwe lélé ɖɛ koɖo nu buwo mɛ

ƷINƷINDOSHIMƐ Wogbe ʒinkpin ɖɛ do ŋkɔ nɔ mɛ ciwo yí jikɔ awa ʒinʒindoshimɛ nɔ woanɔ ji. Nɔ wovawa trɔtrɔ ɖe so nuɔ, woanui le nunɔwoasewo mɛ doŋkɔ. Amɛ ciwo yí jikɔ awa ʒinʒindoshimɛ ɖo anɔ anyi do texwe lɔwo gbɔxwe woatɔ ʒinʒindoshimɛ nuxu lɔ xoxo le zozangbe nyidinmɛ. Wowo domɛtɔ ɖekaɖeka ɖo ahɛn enucucugotu koɖo enudodo ci yí je nɔ eshimɛ ɖoɖo.

LƆNLƆN FAA NUNANA Wozan eho sugbɔ do ʒinkpinwo, ehaxonuwo, videoxonuwo koɖo nubuwo nu nɔ mìase vivi nɔ takpekpe lɔ, yí akpedo mì nu mìate gogo Yehowa doji. Míwo lɔnlɔn faa nunana yí wosɔ kpɔnɔ eho zanzan lɔwo gbɔ yí gbesɔ donɔ alɔ xexeɛ pleŋ mɛ dɔ lɔ. Wosɔ enunana dakavi ciwo ji woŋlwɛn enu do yí eze petii, do texwe vovovowo. Mìakpɔ jijɔ sugbɔ so enunana ɖeshiaɖe nu. Edɔjikpɔha dokɔ akpe sugbɔ nɔ mí kudo lé mísɔ xomɛvu dokɔ alɔ Fyɔɖuxu dɔwo do.

CIKENAXU Mìɖe kuku, ŋgbeŋlɔbe mɔ EDƆLÉAMƐ KPATA cike ÐEKƐ yí wonanɔ o.

ENUBUBUWO DADOXU KOÐO WOWO JIXU Mísɔ ŋɖekpokpui ci mífɔ yi enububuwo dadoxu koɖo wowo jixu dɔwaxu. Nɔ ŋɖe bu nɔ eoɔ, yi jikpɔ le dɔwaxu lɔ. Wohɛn woakplɔ evi ciwo yí bu do wowo jilawo yi dɔwaxu lɔ hɛnnɛ. Ganŋke do jeshi mɔ, denyi ɖeviwo jikpɔxu yɔ o. Mìɖe kuku, mílé ŋkuvi do míwo viwo nu nywiɖe, mína nɔ woanɔ axa nɔ mí.

ANYINƆXU Mìɖe kuku, sɔ eɖe le mɛ nɔ mɛbuwo. Ðo ŋwi mɔ ao xomumɛtɔwo, mɛ ciwo yí míwo koɖo wowo zɔn mɔ doju koɖo ao Bibla nukplaviwo ɖekɛ yí alé texwe daɖɛ nɔ. Míŋgbesɔ ŋɖe dado anyinɔxu kpɛtɛwo o.

LƆNLƆN FAA DƆWATƆWO Nɔ èji mɔ yeakpe ashi do edɔ vovovowo nu le takpekpe lɔ mɛɔ, mìɖe kuku yi enyɔtakankanwo koɖo lɔnlɔn faa dɔwawa jikpɔxu.