Boa-Boa tu na Ro
PARPUNGUAN KHUSUS
SINGKOLA TU PARBARITA HARAJAON Perintis na marumur 23 sahat tu 65 taon, dijou ro tu parpunguan tu Singkola Parbarita Harajaon di ari Minggu arian. Inganan dohot tingkina annon muse dipaboa.
BOA-BOA TU NA RO
NA MARTUGAS DI TATA TERTIB Na martugas di tata tertib dipangidohon do laho mangurupi sude. Ihuthon ma tudu-tudu nasida di inganan parkir, dalan masuk dohot kaluar sian gedung, laho mambuat hundulan, dohot angka na asing.
PANDIDION Molo ndang dipapinda, nunga diparade hian hundulan tu na laho tardidi di jolo, jonok tu panggung. Angka na laho tardidi hundul ma disi andorang so tatangihon jamita tu na laho tardidi di ari Sabtu manogot. Ganup ma na laho tardidi mamboan anduk dohot pahean na patut na hombar tusi.
SILEHON-LEHON Godang do hepeng na dihaporluhon laho paradehon hundulan, tata soara, dohot na asing dope asa denggan tapangke inganan on. Sude angka na diparade mangurupi hita manangihon sipasingot ni Jahowa jala mambahen lam togu parale-aleonta tu Jahowa. Molo dilehon hamu silehon-lehonmu, on boi manutupi deba biaya naung dipangke di kebaktian on, jala mangurupi ulaon parbaritaon di liat portibi on. Diparade do piga-piga kotak sumbangan jonok tu hamu di gedung on. Mauliate ma tu silehon-lehonmuna. Jala dihamauliatehon Punguan na Mangaradoti Organisasi do, ala rade hamu mangurupi na ringkot di ulaon tu Harajaon.
P3K HOLAN TU NA MANGHAPORLUHON SAMBING.
BARANG NA MAGO DOHOT NA DAPOT Molo adong barang na mago jala dapot, diboan ma tu na Mangaradoti Barang na Mago dohot na Dapot. Jala molo adong barangmu na mago, sungkun ma tu Punguan na Mangaradoti on, paboa ma barang aha na mago i. Dakdanak na lilu jala dilului natua-tuana, diboan ma tu na mangaradoti on. Asa unang gabe repot godang halak, natua-tua ingkon mamparrohahon ianakhonna asa sai rap nasida dohot hamu.
HUNDULAN Mardop ni roha ma tu donganta na asing. Hundulan boi dipapulik hian holan tu donganta na samotor, sajabu manang tu parsiajar Bibelta. Unang ma tapeakhon barangta di kursi na so tahunduli.
NA RADE MANGURUPI Molo rade hamu mangurupi di kebaktian on, paboa ma tu Punguan na Mangaradoti na Rade Mangurupi.
Na dipatupa ni Punguan na Mangaradoti Organisasi Sitindangi Ni Jahowa
