SEKOLAH BAGI PENGINJIL KERAJAAN Perintis ḇeumur taun ri 23 isof ro 65, ḇemarisen ḇefarmyan syadi wer, sor si fa sakso ro fananjur faro pelamar Sekolah bagi Penginjil Kerajaan ro ras Minggu mandira ya. Moḇ ma oras ya nari sikofenḇair na.

ḆEFARARUR RO TATA TERTIḆ Ḇefararur ro tata tertib sya, skur si fa sifnoḇek pyan Au. Waso pyum akurfasna sena faro parkir ya, moḇ sisun ma sisae na, fasasos moḇ kankain faro snonkaku ḇesesya, ma ḇesena.

ḆAḆEBAPTIS Moḇ kankain faro calon baptis sya, sfasos na ro panggung ḇarpon ya. Calon baptis sya fandun fa skain ro moḇ sfasos kwar rofyor faya ḇaḇebaptis ro ras Sabtu arwo sawos na ḇaim. Oser-oser ro si, siswarepen insama sun handuk ma sansun ḇemnis fa sḇuk sadwer si.

FARSARSER Kumpan nabor sisae na fa sḇukifasos moḇ kwain ro na, tata suara, roebor faro fasasnai vidio na, ma fararur ḇesena insa munara kebaktian ine nun marasrisen ma nafnoḇek ko fa kofanam syadi faro Yahwe I. Farsarser kuker sne ḇesiper buk na, nafnoḇek kumpan ḇesae kwar anna, ma nesaramper fararur ro supswan ḇesiper. Insama napyan fa buk farsarser, moḇ faro farsarser srir na kwar ro aidoram ine. Farsarser Bena sesyowi kaku na. Badan Pimpinan simarisen sikofen kasumasa snar waksaramper kwar fandandun Karajan kuker sne ḇenaḇye.

P3K Waswarepen, inema faro SNONKAKU ḆEDUF RO KEBAKTIAN MONDA.

ROḆEBOR ḆEBYOR MA SISROW NA Roḇebor kam sisrow na iḇye kada sunna ḇe departemen ine. Roḇebor Bena naisya nabyor ido, rwama ḇe departemen ine ma wakofenḇair roḇebor rosai ḇebyor ya. Wasrow romamkun ḇesisyebur ro sinan sesya ido, fandun fa wun i ḇe departemen ine. Imbape, nafnai awer fa ḇero dine syakam sibor famfnom. Mamwarek romawa Bansi insama sisya skain pdef kuker Au.

MOḆ KANKAIN Fandun fa ḇesyowi snonkaku ḇesesya. Waswarepen insama fasos moḇ kankain faro snonkaku ḇeḇarek kuker Au ro rum oser, ḇaido ḇefarkor Refo kuker Au monda. Moḇ kwain ro na ḇa, rwir awer roḇebor ro na.

DINAS SUKARELA Wamarisen wakfnoḇek ro fararur faro munara kebaktian ine ido, rwamura wakofenḇair na ḇeri ḇe departemen ine.