RAJ PORGOTTNNARANK KORS Purnn velleche sevok, 23 te 65 pirae modle, zankam apli seva vaddounchi khuxi asa, tankam Aitara donparam, Raj Porgottnnarank Kors hea zomatik hajir zaunk amontronn asa. He zomaticho sarko vell ani zago adim fuddench kolloitole.

ATTENDANT Tumkam modot korunk attendant nemlole asat. Te tumkam parking korunk, bhair-bhitor soronk, tumchi boska samballunk ani her vostum vixim sangtat tedna, upkar korun tanchem aikat.

DENNGIM Hea odhivexonak hajir aslolea sogleank bori boska, boro sound system, viddeo sadan ani her suvidha mellonk favo to khorch kela, jea udexim hanga hajir zaunk amkam sontos bhogta ani Jehovak lagim soronk amkam modot zata. Tumche khuxe monan kelolea denngeam udexim ho khorch korunk adhar zata, toxench sonvsarbhor porgottnneachea kamak-ui adar melltta. Tumkam sompem zaunk, spoxtt ritin boroiloleo dan-petteo hea holant dovorleat. Tumchea ap-bhettounnechea denngiank vhodd maniatai asa. Tumi Razvottkechea kamank adar korunk, udar monan kelolea denngeam pasot Sonchalon Monddoll tumche upkar attoita.

FIRST AID Upkar korun monant dovrat, hem FOKOT AKANTACHEA GHODDIEKUCH asa.

SANDDOP ANI MELLOP Konnak-ui sanddloleo vostu mell’leo zalear, teo Sanddop ani Mellop hea khateant vhoron diuncheo. Tumchem kitem-i sanddlam zalear, hea khateant vochon tumcheo vostu vollkhon gheuncheo. Avoi-bapai thaun bhurgim koddsoron sanddleant zalear, tankam hea khateant vhoron diunchim. Punn hem khatem bhurgeank samballpacho zago mhunn somzum nakat. Upkar korun tumchea bhurgeanchi kallji gheiat ani tankam tumchea vangdda dovrat.

BOSKA Upkar korun eka-meka vixim chintat. Ugddas dovrat fokot tumchea ghorcheank vo tumchea sangata provas kortoleank vo tumchea ghorant ravtoleank vo tumchea sangata Bible xiktat, tankanch boska samballchi. Tumkam goroz nam tea boskancher vostu dovorcheo nhoi.

AP-KHUXEN KELOLI SEVA Zor tumkam odhivexonachea kamant ap-khuxen modot korpachi khuxi asa zalear, upkar korun Mahiti ani Ap-Khuxen Keloli Seva khateak kolloiat.