Emhin Ne Khẹke Nin Ene Vae Bhi Usikoko Lẹn
IKOLO KPATAKI
ISIKU ỌSI ENE TẸMHỌN AGBEJELE Ekanẹfan ne sẹbhi ikpe 23 rẹ sẹbhi 65 ne ho nin ele lu ba iwẹnna nin ele lu bhi ẹkẹ oga, ele sabọ rẹ yo ikolo ọsi ẹbho ne ho nin ele yo Isiku ọsi Ene Tẹmhọn Agbejele nan da do bhi ọsewewiẹ ẹdẹ iSunday. A dẹ ta ẹghe bi eji a ha da do ọne ikolo man bha.
EMHIN NE KHẸKE NIN ENE VAE BHI USIKOKO LẸN
A RE EMHIN RE Igho a noolo nan rẹ lu emhanmhan ọsi aga nan rẹ dotọa, emhin nan rẹ talọ bi emhin nekẹle kẹkẹ ne zẹle mhan sabọ sọnyẹnmhẹn bhi ọne usikoko nan. Ene emhanmhan nan rebhe rẹkpa mhan rẹ sabọ sikẹ iJehova. Emhin nin bha re ọkhọle re re, ọle a rẹ haosa ene emhin nan. Ọle a yẹ rẹ rẹkpa iwẹnna itẹmhọn Agbejele bhi otọ agbọn rebhe. Nọn hẹi ha nọghọ uwẹ, a mun ẹkpẹti ọbhi ije kikẹ bhe eji mhan da do ọne usikoko nan. Emhin nin uwẹ irẹ sabọ re re dẹ wo ti mhan bhọ. Otu Nọn Sun Oga ọsi Esali Jehova yi bha rebhe obulu bhi uwedẹ nin bha rẹ ze emhin bhi obọ rẹ rẹkpa ọne iwẹnna Agbejele nan lu bhi otọ agbọn rebhe.
EJI A DA DOTỌA Huẹan, ha ria ẹmhọn eria nekẹle. Yere ghe, uwẹ sabọ mun otọ khẹ eria nin bha ko nabhi imoto ọkpa vae, eria nin bha ko nyẹn bhi uwa bi eria nin uwẹ man ele iBaibo. Huẹan, hẹi ne emhin bhi uki aga nan miẹn ọiyi ọria uwẹ mun ọne otọ khẹ.
EMHIN NE YULUA NAN MIẸN Ne emhin rebhe nan bha miẹn ọnọn nyan lẹn diọ bhi eji a da guanọ Emhin Ne Yulua Nan Miẹn. Ahamiẹn emhin nọnsẹ yulua, diọ bhi enan dọ guanọ ọlẹn. Uwẹ ha miẹn ọmọn nọn bibi sibhi eji ene biẹ ọle ye re, nọn yulua, re ọle diọ bhi enan. Ọrẹyiriọ, bha hẹi ji mhan ha mun ẹsọn gbe ene wẹnna bhi enin. Huẹan, bha ha gbẹloghe imọn nesẹbha ẹghe rebhe, bha ha yẹ ne ele sikẹ egbe.
ENE RE OBỌ KPA Ene re obọ kpa muegbe ne rẹ rẹkpa uwẹ. Huẹan, ka ele ehọ. Lu rẹkhan ebi ele ta rẹji eji uwẹ ha mun imoto nọnsẹ i, uwedẹ nin uwẹ ha rẹkhan na bhi ẹkẹ eji a da do usikoko, bi eji uwẹ ha rẹkhan dagbare. Yẹ rẹkhan adia nọnsele rẹji eji a da dotọa bi emhin nekẹle.
IGBEGBERUẸ BHI AMẸN Aga nin ene ha gbegberuẹ bhi amẹn ha da dotọa ribhi odalo esẹ. Ahamiẹn ọiyi iriọ, a dẹ taman uwẹ eji ọ khin. Ọkhẹke nin ene ho ne gbegberuẹ bhi amẹn rẹ dotọa bhi enin, ọkuẹsẹ ọta ọsi igbegberuẹ bhi amẹn munhẹn ọsewewiẹ bhi edẹ iSaturday. Ọdeọde re ukpọn nọnsọle nan rẹ ka amẹn bhi egbe bi ukpọn nọn gbale nan rẹ na bhi amẹn re.
IWẸNNA NAN ZEGBERE LU Ahamiẹn uwẹ ho nin uwẹ rẹkpa bhi iwẹnna nan ha lu bhi ọne usikoko nan, huẹan, ji ene ribhi eji a da zegbere bhi iwẹnna lẹn.
URẸKPA ỌSI ỌHẸNHẸN NAN RE NIN ENE KHỌNMHỌN Huẹan, yere ghe urẹkpa rẹji ẹbho ne miẹn EMIANMHẸN IGUAGUAKO ỌKPA khọnan.
Otu Nọn Sun Oga ọsi Esali Jehova mhanmhanlẹn
