სამეფოს მახარობელთა სკოლა: 23-დან 65 წლამდე ასაკის პიონერებს, ვისაც მსახურების გაფართოების სურვილი აქვთ, შეუძლიათ დაესწრონ სამეფოს მახარობელთა სკოლაში სწავლის მსურველთათვის განკუთვნილ შეხვედრას კვირას, ნაშუადღევს. ამ შეხვედრის ზუსტი დრო და ადგილი წინასწარ გამოცხადდება.

მომწესრიგებლები: მომწესრიგებლები თქვენ დასახმარებლად არიან დანიშნული. გთხოვთ, ითანამშრომლოთ მათთან და დაემორჩილოთ მათ მითითებებს ავტომობილის გაჩერებასთან, ხალხის მოძრაობასთან, ადგილების დაკავებასა თუ სხვა საკითხებთან დაკავშირებით.

ნათლობა: ნათლობის მოხსენების დაწყებამდე, რომელიც წარმოითქმება შაბათს, დღის პირველ ნახევარში, ნათლობის კანდიდატები უნდა ისხდნენ სცენის წინ, მათთვის წინასწარ გამოყოფილ ადგილზე. თითოეულს უნდა ჰქონდეს პირსახოცი და მოკრძალებული საცურაო კოსტიუმი.

შესაწირავი: საკმაოდ დიდი ხარჯები იქნა გაღებული სხვადასხვა მომსახურების უზრუნველსაყოფად, რაც კონგრესზე დასწრებას სასიამოვნოს ხდის და გვეხმარება, დავუახლოვდეთ იეჰოვას. თქვენი ნებაყოფლობითი შესაწირავი მოხმარდება ამ ხარჯების დაფარვას და მსოფლიო სამქადაგებლო საქმიანობას. თქვენთვის მოსახერხებელი რომ იყოს, ყველგან არის განლაგებული შესაწირავების ყუთები შესაბამისი წარწერით. ნებისმიერი შენაწირი ძალიან ფასდება და ხელმძღვანელი საბჭო წინასწარ გიხდით მადლობას სამეფოს ინტერესების გულუხვი მხარდაჭერისთვის.

პირველი დახმარება: გთხოვთ, გახსოვდეთ, რომ პირველი დახმარება გათვალისწინებულია მხოლოდ გადაუდებელი შემთხვევებისთვის.

დაკარგული ნივთები: ყველა ნაპოვნი ნივთი დაკარგული ნივთების ბიუროში უნდა მიიტანოთ. დაკარგული ნივთებისთვის ამ ბიუროს მიაკითხეთ. აქ უნდა მიიყვანოთ ბავშვებიც, რომლებიც დაიკარგნენ. გთხოვთ, ყურადღება მიაქციოთ თქვენს ბავშვებს და ყოველთვის გვერდით გყავდეთ, რათა არც თქვენ ინერვიულოთ და არც სხვებმა.

ადგილები: გთხოვთ, სხვებიც გაითვალისწინეთ, როცა ადგილებს იკავებთ. გახსოვდეთ: ადგილები შეგიძლიათ დაიკავოთ მხოლოდ ოჯახის წევრებისთვის, მათთვის, ვინც თქვენთან ერთად მგზავრობს ავტომობილით ან ვისაც ბიბლიას ასწავლით. გთხოვთ, არ დაალაგოთ ნივთები თქვენ გარშემო სკამებზე, რომლებსაც არ იკავებთ.

მოხალისედ მსახურება: თუ კონგრესის დროს მოხალისეებად მსახურება გსურთ, მიმართეთ საინფორმაციო და მოხალისეთა განყოფილებას.