SUKUUWO LE WANAA DIMI YOOŊGU KƐNDƐ LEMASAA WA Kɔɔfaa cho wɔsilaŋ 23 a 65 tɛɛŋ, nduyɛ ma nɔ yeemɛi le chɔɔloo wali dimiaa yooŋgu kɛndɛ Mɛlɛkaa pɛŋgɛlaa wa, cho a veelaa le bɔŋaŋ pɔmbɔ o Kuɛɛndoo choo ipalaa le Sukuuwo le Wanaa Dimi Yooŋgu Kɛndɛ leMasaa Wa. A cho yonda mi la sina teleŋndo vɛlɛ a fondaŋ bɔŋaŋndo hoo cho biinɔŋndo.

WANAA MALAA Wanaa malaa cho o bɔŋaŋndo hoo le num malaa. Te a chɔm num pɛ naa ŋ nɔ ma simi nyɛ num nyaanaŋndo wa, naa ŋ nɔ le keilaŋ nda, mɛɛ ŋ nɔ le naa chalaa biyɔɔ yɛ, vɛlɛ a sɔɔŋ cheleŋndoŋ, a yandii yaŋ nda nilaŋ ma tosa nyɛ nda dimul numndo.

YIŊƆƆ Mɛɛ mi kɛɛsiaa cheleŋ tosaŋ, kɛ tuupa mi suɛi yiŋɛi kanduŋ o Ndaamaa choo idiiyo, wanaa cho yiŋɔɔ wa cho a dɛɛniaa le ma kɔ chal o naa chalaa nda biilul nda wa o biŋndo lachi. Wana o wana fee huŋ a kola wɔɔsaŋndo vɛlɛ a nyɛla bɛnda le yiŋɔɔ laŋ.

TOOLULAŊ Kɛɛsiaalaŋ la tosaŋ le naa chalaa kɛndiaa, maasii ŋchondoo, nyɛm mala naa le vidueilaŋ chɔɔ wo, vɛlɛ a sɔɔŋ cheleŋndoŋ tau. Nyɔɔŋ muŋ kpou mala naa ni miŋ tuei bɔŋaŋndo yeela nduyɛ miŋ sɔɔŋguu Chɛhowa ikɛi kpɛɛluŋ. Le muŋ kpou tosaa, bɔnɔɔ luɛinuŋ ni. Toolu ŋ cho yɔŋgu a kɔl numndo kpede wo cho tosa ni mi bɔnɔlaŋ ndaŋ la dɔɔnaŋ latiŋ. Nduyɛ o tosa vɛlɛ mi wali dimiaa yooŋgu kɛndɔɔ hoo hiou lachi. Lelaŋ, kɔfulaŋ la cho la balaa silɔ o fondaŋ bɔŋaŋndo hoo le toolu ŋ nɔ wo malɔɔ leniŋ. Nyɛ o nyɛ ŋ toolu pɛ, o cho o chɛlaa a balaŋ latiɔɔŋ. Dialii Kuumbaŋ Choo Ve mel num balikaa tau le toolu ŋ cho wali dimiaa yooŋgu kɛndɛ leMasaa a kɔl numndo kpou wo.

MALA TASOO Yandii kɛsiŋ o kɔl maa le DIALII NƐYƐI CHOŊ CHOŊNDE KINƐI fondaa hoo cho ni.

FONDAŊ KƐSIAA NYƐM LUUSIAŊNDOŊ Te a saaluŋ pɛ nyɛ, kɛ a sina wana nɔ ndu wo le, kɔ a ndu o fondaa hoo. Num bɛɛ te nyɛ luusiaŋ num pɛ o ba, kɔ o fondaa hoo, okoŋ ma chɔm mɛɛ nyɛ luusiaŋ num koŋ o ba wo cho yɛ. Te chuaambɔ pɔmbɔɔ luusiaŋ pɛ wanaa nduaa o ba, okoŋ mi num saaluŋ ndu, kɔ a ndu o fondaa hoo. Kɛ la kɛsiŋ o kɔl maa, o cho fondaŋ mandaa ŋchɛlɛkpɛ le cho koŋ te pa. Yandii handu chuauwaa numnda hɔlteŋ choo, nduyɛ mi la chal latulu.

NAA CHALAA Yandii yiyaŋ a chaaŋaa cheleŋnda. Kɛsiŋ o kɔl maa le yuŋgu numndo, wanaa nya hiŋ o nyɛ nyaanaŋ pilɔɔ niŋnda, wanaa nya cho o chiɛi pilɔɔ niŋnda ɔɔ wanaa ŋ cho Baabuiyo pɛɛkoo wa kinɛi ŋ nɔ ni ma biilul naa chalaa. Yandii te o cho le waŋnda haa le, hau naa chalaa le.

WANAA YƆŊGUŊ LE MALAA WA Te a yeema pɛ ma mala a walta cho wa tosaŋndo o bɔŋaŋndo hoo laŋ, yandii kɔ o kunda laYooŋgoo vɛlɛ a Wanaa Yɔŋguŋ le Malaa Wa lo.