SIKOLO SA BAKUTAZI BA MUBUSO Mapaina ba lilimo ze mwahalaa 23 ni 65 ili babatabela kueza zeñata mwa bukombwa, bamemiwa kufumaneha kwa mukopano wa babaitakaleza kukena mwa Sikolo sa Bakutazi ba Mubuso okaba teñi fa lizazi la mafelelezo kakusasana. Nako ni sibaka kouka ezezwa mukopano wo likazibiswa.

BABABALELI Musebezi wa bababaleli ki wa kumitusa. Mukupiwa kusebelisana ni bona hande ka kulatelela ketelelo yebafa kwa libaka za kuyemiseza limota, kwa baputehi, bababata kubulukela babañwi lipula, ni mwa litaba zeñwi.

KOLOBEZO Lipula zebulukezwi linumwana za kolobezo likaba mwa arena fapilaa libulelelo, konji haiba kuba ni licinceho. Linumwana za kolobezo liswanela kuina mwa sibaka selilukiselizwe pili ngambolo ya kolobezo isika kalisa kale fa lizazi labubeli kakusasana. Mañi ni mañi alwale taulo yahae ni libyana zeswanela zakayo kolobelezwa ku zona.

LINUBU Kuitusisizwe masheleñi amañata kwa kulukisa libaka zelikani fakuina, kwa kulukisa za mulumo ni mavidio, ni lika zeñwi zeñata zelukonisa kuikola mukopano wo ili zelutusa kusutelela hahulu ku Jehova. Linubu zemufa ka kuitatela litusa kulifela lisinyehelo zeo mi hape litusa ni mwa musebezi wa mwa lifasi kaufela. Ka kuminolofaleza, kubeilwe tumbokisi kai ni kai ili totuñozwi hande kuli ki twa linubu. Linubu kaufela zaitebuhiwa hahulu. Sitopa Sesietelela siitumela ku mina kwa linubu zemufanga zetusa mwa misebezi ya Mubuso.

LILUKO LA LIKALAFO Shangwe muhupule kuli liluko le, ki la MATUKU A KA SIPUNDUMUKELA FEELA.

ZELATEHILE, ZEFUMANWI, NI KOLIFUMANEHA Lika kaufela zefumanwi liswanela kuisiwa kwa liluko le. Haiba mulatehezwi ki nto yeñwi, muye kwa liluko le kuli muyo bata libyana zamina. Banana babalatehile baswanela kuisiwa kwa liluko le. Kono musiingi kuli liluko le, ki sibaka kwakubulukela banana. Mukupiwa kutokomela bana bamina, ni kuina ni bona.

FAKUINA Shangwe muiyakatwe babañwi. Muhupule kuli lipula likona feela kubulukelwa ba lubasi lwamina ni bemuzamaya ni bona mwa mota, bemupila ni bona ndu iliñwi, kamba bemuituta ni bona Bibele. Mukupiwa kusabeya libyana fa libaka zemusa itusisi ili fokukona kuina babañwi.

SEBELEZO YA KUITATELA Haiba mubata kutusa kwa misebezi ya fa mukopano, shangwe muipihe kwa liluko le.