ESKOLA YA ANAMALALEYA OOMWENE Mapiyonero enna yaka 23 ofiyedha 65 enahowela wawenjhedhedha mabasiwa olaleya enowithaniwa wi yone mutugumano wa ale enfuna ohudhera Eskola ya Anamalaleya Oomwene, Domingu, mutana. Mudhidhiya ni mburoya wa mutugumano ola onere ovuwihiwa.

ANAMATONYEDHA Anamatonyedha ethomiwe wihina yukavihere. Nnowuloba wi okale owiwanana ni aliwa wawiwelelaga mathonyihedho ewa yuthonyihedhaga vohiya karo, moweddedda, okoya mburo ni muselu dhimodha.

DHORIMELA NI DHODDODDIWA Dhego dhatedhene dhiddoddiwe mwinyaya ahinoniwe dhiveleliwe mburo wa Dhorimela ni Dhoddoddiwa. Akala we ohurimeliwa yego, odhowe waje mburo yola. Ahima oddoddiwa eveleliwe mburo yola. Wihina ndho dhihereye, ababi enofwanela wawing’anela aniwa ni okirati vamodha.

DHOVELELA Wihina musonkano ola okale woriya ni wonikavihera onfiyedha Jeova, dhihinongiwa korowa wihina dhegeredhiwe mpaddo dhowakwanela, maradiyu ovuwihana madhu, sinema dhowonela vidiyu ni mabasa amodha. Dhovelela dhawo ni murima dhinere okavihera oliva korowa dhinongiwe ni wakavihera mabasa waapela elabo yatene yavati. Dhinofwanyeya kaxa dhili mburo dhohiyana dhilebiwe wihina dhikweyihe werana yovelelawo. Dhovelela dhatedhene dhinowakeliwa pama. Nikuru Nolamulela nnowutamalelani wodhela okavihera wenyu wa mabasa Oomwene.

MABASA OWIVELELA Akala we onohowela okavihera mabasa vamusonkanoni, dhowa wawoge naale enaaholela Mabasa Owivelela.

MBURO Onolobiwa wihina wawubuwelege akwawo. Akala onofuna okoya mburo, nnowubusedha wi wakoyele bahi amudhawo, ale enathanana niwe, ni ale emmuhudhera Bibliya niwe. Nnowuloba wi ohihiye ethu vampaddoni vihinamukoyeliwe muthu.

OBADDIZA Mburo waaliba obaddiziwa onere ohiiwa osogolo wa tiribuna, dhahikalawo muselu dhimodha. Aliba obaddiziwa egirati mburo wewa ohinaambele mwaha wa obaddiziwa, Sabadu membesi. Kadda muthu adhena tuwaliya ni dhowara dhofwanelela obaddiziwana.

WAKAVIHERA AREDDA Nnowubusedha wi epaddi ela yegeredhiwe wihina ekavihere eredda Yorurumusa Bahi.