Imformasion pa nuꞌu̱ ma dä ntini
MÄ NꞌA RÄ MHUNTSꞌI
NGUNSADI PA YÄ EBANJELISADOR DE RÄ TSꞌU̱TꞌHUI ÄJUÄ. Gatꞌho nuꞌu̱ yä prekursor pe̱ꞌtsi entre 23 asta 65 yä je̱ya, ꞌne ne dä ntini ha rä Ngunsadi pa yä Ebanjelisador de rä Tsꞌu̱tꞌhui Äjuä, ꞌmu̱i imbitado pa dä ntini ha näꞌä rä mhuntsꞌi ma dä tꞌo̱tꞌe ndomingo de di ndee. Dende ha rä plataforma ma dä mhää te mä ora ꞌne habu̱ ma nja nunä mhuntsꞌi.
IMFORMASION PA NUꞌU̱ MA DÄ NTINI
NUꞌU̱ YÄ KOSA XÄ MꞌE̱DI. Mu̱ gi tini nꞌa rä kosa näꞌä xä mꞌe̱di, hñätsꞌi habu̱ bi ja nunä departamento. Mu̱ go te xkä ꞌme̱di, gi ma gi ñꞌani ha nunä departamento. ꞌNehe ja di debe dä tsꞌitsꞌiua nuꞌu̱ yä bätsi xä mꞌe̱di. Nunä departamento hinxä thutsꞌi pa dä su yä bätsi, hänge po rä mäte, suhu̱ ri bätsihu̱ ꞌne hyanthu̱ ge di yꞌobu̱ getbu̱ de geꞌähu̱.
NXIXTEHE. Nuꞌu̱ yä thuhni ja asta ndelante de rä plataforma, geꞌu̱ xä ꞌueke yä ku pa nuꞌu̱ toꞌo ma dä nxixtehe. Mu̱ ma gi nxixtehe, mähyoni gi kupa nuya yä luga näꞌä nsabdo de di xudi, änte de dä mu̱di rä discurso de gä nxixtehe. ꞌNehe, mähyoni gi hñätsꞌi nꞌa rä toalla ꞌne gi huahni xä ñho te mä dutu ma gi usa.
PRIMEROS AUXILIOS. Nunä departamento HO̱NSE̱ PA YÄ EMERGENCIA.
TOꞌO NE DÄ MFAXTE. Mu̱ gi ne gi mfaxte de gä boluntario ha rä däta mhuntsꞌi, gi ma ha nunä departamento pa dä siꞌi habu̱ dä za gi mfaxte.
YÄ ACOMODADOR. Yä acomodador xä thutsꞌi pa dä maxꞌäꞌi. Jamäsu nuꞌu̱ yä instrucción dä rꞌaꞌi tanto ha rä estacionamiento, ha yä pasillo, ora gi ꞌueke yä thuhni o ha märꞌa yä asunto.
YÄ DONÄSIO. Pa gä pe̱ꞌtsihu̱ nunä däta mhuntsꞌi xä tꞌo̱tꞌe ndunthi yä gasto, xä nrenta yä thuhni, yä pantalla, rä sonido ꞌne märꞌa yä tꞌo̱tꞌe; pa njabu̱ gä disfrutahu̱ de nunä däta mhuntsꞌi ꞌne pa mänꞌa dä ze̱di mä ntsitsꞌihu̱ ko Äjuä. Nuꞌu̱ yä donäsio gi unihu̱ faxte pa dä njutꞌi nuya yä gasto ꞌne di ñꞌusa pa dä njutꞌi näꞌä rä mäkä ꞌme̱fi di tꞌo̱tꞌe po gatꞌho rä Xiꞌmhai. Xä thutsꞌi yä kaha de gä donäsio ha ndunthi yä luga de rä auditorio. Di jamädihe ndunthi po gatꞌho nuꞌu̱ yä donäsio gi unihu̱. Rä Cuerpo Gobernante di jamädiꞌihu̱ po gatꞌho näꞌä rä mfatsꞌi gi umbäbihu̱ rä Tsꞌu̱tꞌhui Äjuä.
YÄ THUHNI. Di mbitaꞌihe gi ꞌñudi rä tꞌekꞌei ꞌne rä mhäte po märꞌaa. Beni ge ho̱nse̱ dä za gi ꞌueke yä thuhni pa ri familia, pa nuꞌu̱ gi ñꞌoui ha ri karro, pa nuꞌu̱ gi ꞌmu̱hui o pa nuꞌu̱ ri estudio. Po rä mäte, o te gi e̱ntsꞌi ha nuꞌu̱ yä thuhni hingä ma gi usa.
Go bi hyoki rä Cuerpo Gobernante de yä Testigo rä Jeoba
