SKUELA PA KU̱ EVANGELIZADORES DE NU̱ REINO. Da zo da maʼ a gehna hmuntsi yu̱ precursor mu̱ i petsi 23 ta 65 yä kjea mu̱ ma i ne da pe̱hmu̱ pa da ʼunihu̱ kʼa nto̱de. Kʼa hmuntsi da nkjá kʼa ndé ndongo. Kʼa ora ʼne kʼa luga abu̱ da nkjá da hmä ha nu̱ plataforma.

I ʼBU̱I YÄ KU DA ZO DA MÖXKÍ. Gehya ku i ʼbu̱i pa da föxkí. Gi kjá goʼtho ká da xiʼki ʼne gi ʼyo̱hte mu̱ ta xiʼki abu̱ gi tsogi ri karro, abu̱ gi ʼño, mu̱ gi hioní abu̱ gi judí ʼne maʼra yä ntʼo̱te.

KU̱ ʼME̱TʼO DA O̱THEKI. Gi hña ro nguenda ko gehna departamento, xo Ho̱nse da zo da möxkí MU̱ GI THOGI ʼNA NTʼO̱TE RA TSʼO I KJÁ GI TSO RA ʼU̱.

MU̱ GI NE GI NFÖXTE. Mu̱ gi ne gi nföxte pa yu̱ ʼbe̱fí i nkjá ha nu̱ ndo̱ hmuntsi, kuati ha gehna departamento mu̱ gi ne gi nföxte.

NKU̱ʼMI DEHE. I ʼbu̱i yä thuhni ta a ʼbe̱tho de nu̱ plataforma pa ku̱ da nkumihu̱ a dehe, mu̱ da mbödi kʼa luga da hmä. Yu̱ da nku̱ʼmihu̱ a dehe petsite da ʼmíphu̱nu̱ ante da nkjá kʼa discurso ga nkuʼmi dehe kʼa nxudi nsabadu. Goʼtho gegehu̱ petsite da gähu̱ ro toalla ʼne ʼna hee hi ra ntsʼo.

YÄ MBÖXTE GA DOMI I TʼUNI. Xi nkju̱u̱ ra ngu domi pa yu̱ thuhni, nihi pa yu̱ ntʼo̱te pa nu̱ sonido ʼne yu̱ video pa da föxkígihu̱ go o̱dehu̱ ma ra zo, ʼne i kjá go kuätihu̱ ko rä Jehová. Ko kʼa domi gi ʼunihu̱ da zo da nkjutʼi ku̱ xi nkju̱u̱, ʼne pa da mbötsi kʼa ro ʼbe̱fí rä Jehová po goʼtho nu̱ ximojoi. Pa hin gi ʼño yapu̱, i ʼbu̱i yä tsi kaja pa gi u̱ti ri domi. Kjamädi po kʼa domi gi u̱tihu̱. Kʼa hmuntsi ga ʼño̱ho̱ a ʼBe̱to pa da ʼreni, i ne da raʼki nkjamädi xo gi nföxte pa da nkjá gehna ʼbe̱fí de nu̱ Reino.

YÄ NTʼO̱TE XI ʼME̱DI. Goʼtho yu̱ ntʼo̱te xi ʼme̱di petsite gi ma tsogi ha kʼa luga i tʼimbi Yä ntʼo̱te xi ʼme̱di. Mu̱ ko ʼbe̱di ʼna ntʼo̱te, gi ma hioní ha genkʼa luga kʼa ko ʼbe̱di. Nihi ha genkʼa luga gi ma tsogi yu̱ tsi bähtsi xi ʼue̱ge de yo tá. Pe pa hin da thogi nkjanu̱ ko yu̱ tsi bähtsi ʼne pa hin go ʼñonfenihu̱ di xiʼkihe ge zäi gi födi ri bähtsi pa hin da ʼue̱gehu̱.

YÄ THUHNI. Di xiʼkihe tsu̱ gi juihki yu̱ maʼra. Beni ge ho̱nse da zo gi ʼue̱hke yä thuhni pa ku̱ ri kjäʼni, pa yu̱ ga ʼñoui ha ri karro, pa yu̱ gi ʼmu̱bi ha ri nguu o yu̱ kjäʼni gi ʼuhti nu̱ Biblia. Hin gi tsogi yä ntʼo̱te ha kʼa thuhni abu̱ hin gi mí.