KHALASA DIA ALONGESHI A UFUMU Avundji a njila adi nu ivo sendese 23 uu nu 65 anyi adi mutshigina gukudisa mudimo wawo wa gulongesa, atamegewa ha guya mu gudibungisa gua athu ana gutshigina gungina khalasa dia Alongeshi a Ufumu. Gudibungisa guene mbagukalegewa mu lusugu lua lubingo, gungima dia midi. Fundo nu tangua gudibungisa guene mbagukalegewa mbaditudijigiwa.

ATHU ADI MUYAMBA ATHU Aphangi adi mutshita mudimo wa guyamba athu adi guene mukunda nu gugukuatesa. Tudi gugutoga ha gulandula muabonga ndaga adi gumidijiga jiatadila parking, luholo lua guwenda ha fundo dia asamble, lua gukuata mafundo a gukhala, nu ndaga jiko.

ATHU ADIHANA HA GUTSHITA MUDIMO (BA VOLONTAIRES) Gila watshigina gutshita mudimo wa gulondewa gua fundo dietu dia asamble, tudi gugutoga ha guhana jina diaye gu département ya ba volontaires.

GUBATIJIWA Mafundo a athu adi mutshigina gubatijiwa adi naye gukhala gutuama ha sambua dia estrade. Athu adi mutshigina gubatijiwa adi naye gukhala mu mafundo ene gutuama egi diskur dia gubatijiwa disendese mu lusugu lua Samano gutuama dia midi. Muthu wagasue udi naye gubata sume yenji nu mulele wabonga wagusudiga tangua dia gubatijiwa.

IMA YATOTSHI Ima yagasue ishigo nu afumi’a naye tudi naye guyibata gu Département ya Ima Yatotshi. Gula watotesa gima gimoshi, tudi gugutoga ha guya gugikamba gu département eyi. Gula ana atota, nga ndo adi mulaba guwenda mvuaji ndo, tudi naye guabata gu département eyi. Hene, ha gula egi tuhanyigo athu ako lamba, tudi mutoga mvuaji ha gukhala fundo dimoshi nu an’awo ha guabamba.

MAFUNDO A GUKHALA Tuagutoga ha gunemesa athu ako. Jiya egi, udi naye gubamba fundo phamba mukunda nu enya fami yaye, athu muawendi nawo njila imoshi, nu athu muana jinga nawo inzo imoshi, nga athu wana gulongesa Biblia. Guhaga ndo ima ha fundo athu adi naye gukhala.

MISOMONYI Ha gulondega asamble awa muabonga, tuatshitshi ndaga jiavula ha guheta mafundo abonga a gukhala, ha gulonda sono, ima ya gutalesa video, nu ndaga jiko. Ima eyi yatukuatesa ha guhata asamble muabonga nu ha gusuena hehi nu Yehowa. Misomonyi muana guhana nu gutshigina guagasue yana gukuatesa mukunda nu badepanse atshitshiwa, yana gukuatesa nji mu mudimo wa gulongesa ha mavu agasue. Hene, caisse jia misomonyi jiahagewa jiavula ha fundo edi dia asamble. Tudi musuanguluga nu misomonyi yagasue muajiya guhana. Hunji dia Akulu-Atuameji didi gumihana mersi luholo mudi mukuatesa ndaga jia Ufumu ha gula jiye gutuama.

UKUATESHI WA MINGANGA Jiyenu egi udi PHAMBA UKUATESHI WATHOMO wa phushi-phushi.