اوہ پہل‌کار جنہاں دی عمر 23 توں 65 سال تک اے تے جیہڑ‌ے اپنی خدمت نُوں ودھاؤنا چاہندے نیں،‏ اوہناں نُوں اتوار دی دوپہر نُوں ہون والے اجلاس تے آؤن دی دعوت دِتی جاندی اے جتھے اوہ ایس سکول چ داخلے لئی فارم لے سکدے نیں۔‏ ایس اجلاس دے وقت تے جگہ بارے اعلان کیتا جاوے گا۔‏

حاضرباش:‏ حاضرباش تواڈی مدد کرن لئی تیار نیں۔‏ جدوں اوہ توانوں پارکنگ یاں سیٹاں رکھن بارے ہدیت دیندے نیں یاں فیر توانوں اندر باہر جان والے رستے وچ نہ کھلون دی درخاست کردے نیں تے مہربانی نال اوہناں نال تعاون کرو۔‏

بپتسمہ:‏ بپتسمے دے امیدواراں لئی سٹیج دے سامنے والیاں سیٹاں رکھیاں جان گیاں۔‏ بپتسمے دے امیدواراں نُوں ہفتے والے دن بپتسمے دی تقریر شروع ہون توں پہلے ایہناں مخصوص سیٹاں تے بیٹھنا چاہی دا اے۔‏ ہر اِک نُوں اپنا تولیہ تے مناسب کپڑے نال لیاؤنے چاہی دے نیں۔‏

عطیے:‏ کنونشن تے لاؤڈسپیکراں،‏ سیٹاں تے دُوجیاں سہولتاں دا اِنتظام کیتا گیا اے تاکہ تُسی پورے پروگرام دا مزہ لے سکو تے یہوواہ خدا نُوں ہور چنگی طرحاں جان سکو۔‏ ایہناں سہولتاں دے خرچے تواڈے خوشی نال دِتے گئے عطیے دے ذریعے پورے کیتے جاندے نیں۔‏ ایہدے علاوہ ایہہ عطیے دُنیا بھر وچ مُنادی دے کم لئی وی استمال کیتے جاندے نیں۔‏ فرق فرق تھانواں تے عطیہ پاؤن لئی ڈبے رکھے گئے نیں۔‏ تواڈے عطیے دی بڑی قدر کیتی جاندی اے۔‏ گورننگ باڈی تواڈا شکریہ ادا کرنا چاہندی اے کہ تُسی عطیے دے ذریعے مُنادی دے کم نُوں اَگے ودھا رہے او۔‏

اِبتدائی طبی امداد دا شعبہ:‏ یاد رکھو کہ ایہہ شعبہ صرف ہنگامی حالت لئی اے۔‏

گواچیاں چیزاں دا شعبہ:‏ جے توانوں کسے دی گواچی چیز ملے تے ایہنوں ایس شعبے دے حوالے کر دَوو۔‏ جے تواڈی کوئی چیز گواچ جاوے تے ایس شعبے نال رابطہ کرو۔‏ ماں پیو توں وِچھڑن والے بچیاں نُوں وی ایسے شعبے وچ پونچا دیو۔‏ مہربانی کر کے اپنے بچیاں دا خیال رکھو تے اوہناں نُوں اپنے نال رکھو تاکہ تُسی پریشانی توں بچ سکو۔‏

سیٹاں بارے معلومات:‏ دُوجیاں دا خیال رکھو۔‏ یاد رکھو کہ تُسی صرف اپنے گھر والیاں تے اوہناں لوکاں لئی سیٹاں رکھ سکدے او جیہڑ‌ے تواڈے نال گڈی وچ سفر کردے یاں جنہاں نال تُسی بائبل کورس کر رہے او۔‏ مہربانی کر کے اپنے آسےپاسے دِیاں سیٹاں تے چیزاں نہ رکھو۔‏

رضاکارانہ خدمت دا شعبہ:‏ جے تُسی کنونشن تے کیتے جان والے کماں وچ ہتھ ونڈاؤنا چاہندے او تے مہربانی نال ایس شعبے نال رابطہ کرو۔‏