Ngaebɔ Ma Bɛbɔ Bawa Nhyiamu Ne
NHYIAMU TITIRE
SUKUU BƆ BƐYƐ BƐMA AHENNIE NZƐMBAKAFOƐ Akwampaefoɛ bɔ banya afoɛ 23 kodwu 65 bɔ bɛnye gye yenwo kyɛ bɛkɔyɛ pẽe wɔ soen adwuma nanu ne, bɛkɔhora bɛkɔwa nhyiamu bɔ bɛkɔyɛ bɛkɔma bɛbɔ bɛpena yenwo atẽe bɛkɔ Ahennie Nzɛmbakafoɛ Sukuu Kwasida eyia ne bie. Bɛkɔma nekaa ɔne mmerɛ deinn bɔ bɛkɔyɛ ye nanwo ngaebɔ
NGAEBƆ MA BƐBƆ BAWA NHYIAMU NE
ATTENDANTS Bɛbɔ bede ɛwɔfoɛ ne kɔboka wɔ. Akwangyerɛ biala bɔ bɛkɔfa bɛkɔma wɔ kɔfa nekaa bɔ ɛkɔfa wɔ kaa kosie, nekaa bɔ mmenia fa, ɔne bia bɔ ɛkɔyakyi kɔto berɛ kɔma ebie ne, tie. Yɛsrɛ wɔ kyɛ, tie bɛ wɔ nikyeebiala nu.
ASUBƆ Bɛkɔyakyi bia wɔ anyunu berɛ bɛkɔma bɛbɔ bɛkɔbɔ asu ne, sana bahyire kyɛ bɛngɔyɛ ye sɔ. Odikyɛ asubɔfoɛ ne batena anyunu berɛ kora né asubɔ dwudwolɛ ne ahɔso Fue ngyerɛmɔ. Ebiala fa nzaserɛ ɔne ataadeɛ bɔ ɔfata ma asubɔ ne bra.
NDOBOA Yafa esikaa pẽe yayɛ nhyiamu he nwo ndotoeɛ maa yanya bia bɔ yɛkɔtena so, ngaen, vidio nwo nningyein ɔne nikyee foforɛ bɔ ɔkɔboka maa nhyiamu ne kɔyɛ anigye na yahora yapingye Yehowa yé ɔ. Ndoboa bɔ ɛmɔfi ɛmɔ ahone nu bɛye ne yeɛ ɔboka maa yetua kerɛ bɔ yɛbɔ ne ɔ, na yɛfa ebie koso yɛboka wiase mukuraati soen adwuma ne. Bɔ ɔkɔyɛ na waboka wɔ ne, bafa alaka bɔ bahwerɔ yenwo basiesie apata nabo. Yɛnye gye ndoboa biala bɔ ɛmɔkɔye nanwo. Akwangyerɛ Kue ne nye sɔ ɛmɔ pɛ nu bɔ ɛmɔfi bɛboka Ahennie adwuma ne paa.
NEKAA BƆ BEDE AYIRE Yɛsrɛ wɔ, hyɛ ye nzorɛ kyɛ, BƆ WAFOKYƐ NE BƆ WAPIRA MBOFIRINU WƆ NHYIAMU NABO NE NGOME, yeɛ odikyɛ ɔkɔ berɛ ɔ.
NEKAA BƆ BƐFA NIKYEE BƆ WAMINI BƐKƆ Ɔ Nikyee biala bɔ wamini bɔ anwui ne, fakɔ sɔ nekaa ne. Sɛ wɔ nikyee bie mini a, kɔ berɛ na kohyire kyɛbɔ osi te ɔ. Fa agwalaa biala bɔ okomini bɔ wɔnye kɔpɛ yeso ne kɔ ɛberɛ. Bɔ ɔkɔyɛ na ammva adesoa biala anndo ebiala so ne, yɛsrɛ wɔ, ma wɔnye hɔ wɔmmamɔ nwo, na ma bɛtena wɔnwo.
NEKAA BƆ ƐKƆTENA Yɛsrɛ wɔ, ɛyɛ a dwene afoforɛ nwo. Kae kyɛ, ɛkɔhora kɔyakyi bia kɔma w’abusuafoɛ, bɛbɔ ɛne bɛ tenane káa nu, bɛbɔ ɛne bɛ te awuro anaa wɔ Bible asuafoɛ ngome. Yɛsrɛ kyɛ, sɛ essiele bia manne ebie a, nnɛfa hwee to so.
ATUNWOAMA ADWUMA Sɛ ekuro kyɛ ɛkɔboka nhyiamu nabo adwuma ne a, yɛsrɛ kyɛ, kɔ bɛbɔ bɛnea amaneɛbɔ ne atunwoama adwuma naso ne nekaa berɛ.
Yehowa Adanzefoɛ Akwangyerɛ Kue ne yeɛ bayɛ yenwo nhyehyɛeɛ
