Kwatiswa Kwalabo Labete Emhlanganweni
IMIHLANGANO LEKHETSEKILE
SIKOLWA SEBAVANGELI BEMBUSO Emahlahlandlela lasemkhatsini weminyaka lengu-23 na-65, lafuna kwandzisa umsebenti wawo wekushumayela, ayamenywa kutsi ete kulomhlangano walabafuna kuya eSikolweni Sebavangeli BeMbuso ngeLisontfo ntsambama. Sikhatsi kanye nendzawo lotawubanjelwa kuyo, kutawumenyetelwa kusenesikhatsi.
KWATISWA KWALABO LABETE EMHLANGANWENI
BALINDZI Balindzi babelwe kutsi banisite. Sicela nibambisane kakhulu nabo ngekulandzela sicondziso sabo mayelana nekupaka timoto, kucondziswa kwalabahamba ngetinyawo, kugcinwa kwetihlalo, kanye nalokunye.
LUBHABHATISO Tihlalo talabo labatawubhajatiswa titawuba sendzaweni lesembikwesiteji. Bonkhe labatawubhajatiswa kufanele babe sebahleli etihlalweni labagcinelwe tona ngembikwekucala kwenkhulumo yelubhabhatiso ngeMgcibelo ekuseni. Nguloyo naloyo kufanele aphatse lithawula kanye netimphahla tekungena emantini letinesizotsa.
IMINIKELO Kube tindleko letinkhulu kulungiselela tihlalo letenele, imibhobho, imishini yekudlala ema-video kanye naleminye imisebenti leyenta kujabulise kuba kulomhlangano futsi kusissite sisondzele kuJehova. Iminikelo yenu yekutitsandzela isita ekuhlangabetaneni naletindleko kanye nasekusekeleni umsebenti wemhlaba wonkhe. Kute kube melula, kubekwe emabhokisi labhalwe acaca kuyo yonkhe inkhundla. Siyayibonga kakhulu yonkhe iminikelo, futsi Sigungu Lesibusako sitsandza kunibonga nonkhe ngekusekela kwenu umsebenti wemhlaba wonkhe.
LUSITO LWEKUCALA Sicela nikhumbule kutsi lelihhovisi lentelwe TIMO LETIPHUTFUMAKO KUPHELA.
LOKULAHLEKILE KWAPHINDZE KWATFOLAKALA Tonkhe tintfo letitfolakele kufanele timikiswe eHhovisini Lalokulahlekile Kwaphindze Kwatfolakala. Nangabe kukhona lokukulahlekele, yani kulelihhovisi ufike ukhombe loko lokungekwakho. Bantfwana labalahlekelene nebatali babo kufanele bamikiswe kulelihhovisi. Kepha-ke lelihhovisi akukafanele litsatfwe njengendzawo yekugadza bantfwana. Sicela nigadze bantfwana benu, futsi bahlale banani.
TIHLALO Sicela nicabangele labanye. Khumbulani kutsi tihlalo tingagcinelwa kuphela labo lohamba nabo emotweni, labo lohlala nabo ekhaya, nobe labo lofundza nabo liBhayibheli. Sicela ningatibeki tintfo etihlalweni letiseceleni kwenu.
UMSEBENTI WEKUTITSANDZELA Nangabe ufuna kusita kunobe ngumuphi umsebenti lokhona kulomhlangano, sicela watise LiHhovisi Lekwatiswa kanye neLetisebenti Tekutitsandzela.
Lohlelwe Sigungu Lesibusako SaBoFakazi BaJehova
