Fakamahino Maʼa Te Nofoʼaki
FONO MAKEHE
AKO ʼO TE KAU FAIFAKAMAFOLA ʼO TE PULEʼAGA Ko te kau pionie ʼae ʼe taʼu 23 ki te 65 ʼae ʼe loto ke hikihiki tanatou minisitelio, ʼe fakaafe atu natou ki te fono ʼae ʼe fai anai ʼi te ʼAhotapu hili hoʼata. Ko te hola pea mo te koga meʼa ʼae neʼe fakatuʼutuʼu ki ai ʼe hoki tala atu anai ʼi te ʼu logo.
FAKAMAHINO MAʼA TE NOFOʼAKI
SELEVISI KI TE TALI KAIGA Neʼe fakatuʼutuʼu te selevisi ʼaia ke tokoni atu kia kotou. ʼE kole atu ke kotou mulimuli ki ʼanatou tokoni ʼo ʼuhiga mo te tau ʼo te ʼu motoka, mo te feoloʼaki, mo te taʼofi ʼo te ʼu hekaʼaga pea mo ʼihi ʼatu faʼahi.
SELEVISI KI TE PAPITEMA ʼE tuku anai te ʼu hekaʼaga ʼae ʼo muʼa kia natou ʼae ka papitema. ʼE tonu anai ke natou heheka ai ʼi muʼa ʼo te kamata ʼo te akonaki ʼo te papitema, ʼi te Moeaki uhu. ʼE tonu anai ke natou ʼaumai honatou tauveli pea mo honatou teu maʼanu fakaʼapaʼapa.
SELEVISI KI TE ʼU MEʼA ʼOFA Neʼe fai te ʼu fakatuʼutuʼu moʼo teuteuʼi he nofoʼaga, mo he ʼu televisio lalahi, mo he meʼa fakatagi pea mo ʼihi ʼatu meʼa, ke feala hatatou muliʼi lelei te polokalama pea ke tou fakaovi kia Sehova. ʼE tokoni ʼakotou meʼa ʼofa ki te totogi ʼo te ʼu gaue ʼaia neʼe fakahoko pea mo te gaue fakamalamanei ʼo te Puleʼaga ʼo te ʼAtua. Kapau ʼe kotou fia fai he meʼa ʼofa, pea ʼe feala hakotou fakaʼaoga te ʼu kiʼi puha tanaki meʼa ʼofa ʼi te ʼu tafaʼaki ʼo te Fale Fono ʼaeni. ʼE matou fakamalō atu ki takotou lotoʼofa. ʼE fia fai atu e te Kolesi Pule he fakamalō ki takotou lagolago lelei ki te ʼu gaue ʼo te Puleʼaga ʼo te ʼAtua.
SELEVISI HAOFAKI MAʼULI ’E tokaga TAFITO PE ANAI te selevisi ʼaia ki he tahi ʼe HOKO KI AI HE TUʼUTAMAKI.
SELEVISI KI TE ʼU MEʼA ʼAE NEʼE PULI ʼE tonu anai ke ʼave ki te selevisi ʼaia te ʼu meʼa fuli ʼae neʼe puli mo ʼae neʼe maʼu. Kapau neʼe puli hakotou meʼa, kotou olo ʼo fakalavelave ki te selevisi ʼaia. ʼE feala ke ʼave ki ai te ʼu fanau ʼae neʼe hehe. Kae ke mahino kia tatou, ʼe mole ko he selevisi taupau tamaliki. Koia, ʼe tonu ke tou tokakaga fakalelei ki ʼatatou fanau pea ke nonofo maʼu mo tatou.
HEKAʼAGA Tou fakaha te fakaʼapaʼapa ki te hahaʼi. Tou taʼofi pe he ʼu hekaʼaga ki totatou famili, mo natou ʼae ʼe kaugā motoka mo tatou, pea mo ʼae neʼe tou fakaʼapi, peʼe ko hatatou ako Tohi-Tapu. ʼAua naʼa tou tuku he meʼa ki te ʼu hekaʼaga ʼae neʼe mole tou taʼofi.
SELEVISI KI TE TOKONI GAUE ʼE tonu ke olo ki te selevisi ʼaia ia natou ʼae ʼe fia tokoni ki te ʼu gaue ʼo te fakatahi lahi.
Neʼe Fakatuʼutuʼu e Te Kolesi Pule ʼa Te Kau Fakamoʼoni ʼa Sehova