Sulat Gikan sa Nagamandong Lawas
‘Kamo angay nga mahimong mga magtutudlo.’ (Heb. 5:12) Pagkadakong pribilehiyo nga si Jehova—ang kinamaayohang Magtutudlo sa tibuok uniberso—nagdapit nato nga mahimong mga magtutudlo bahin niya! Dakong pribilehiyo ug responsibilidad ang pagtudlo bahin kang Jehova, diha man sa pamilya, sa kongregasyon, o sa ministeryo. Unsaon nato ni paghimo?
Ang tubag makita sa giingon ni apostol Pablo kang Timoteo: “Magmakugihon diha sa publikong pagbasa, sa pagpanambag, sa pagpanudlo.” Si Pablo midugang: “Sa pagbuhat niini pagaluwason mo ang imong kaugalingon ug kadtong mamati kanimo.” (1 Tim. 4:13, 16) Makaluwas ug kinabuhi ang atong mensahe. Busa importanteng maningkamot ka nga mouswag sa pagbasa ug pagpanudlo. Makatabang ni nga brosyur aron mahimo na nimo. Matikdi ang pipila sa mga bahin niini.
Teksto sa matag panid nga naghisgot ug prinsipyo sa Bibliya nga konektado sa tun-anan o kaha pananglitan sa gipadapat nga tun-anan
Si Jehova ang “Dakong Instruktor.” (Isa. 30:20) Bisag tabangan ka ini nga brosyur nga mas mohanas ingong magbabasa ug magtutudlo, ayawg kalimti nga si Jehova ang Tuboran sa atong mensahe ug siya ang magkabig sa mga tawo. (Juan 6:44) Busa pag-ampo kanunay alang sa balaang espiritu. Gamita pirme ang Pulong sa Diyos. Ipokus ang atensiyon sa mga mamiminaw ngadto kang Jehova, dili sa imong kaugalingon. Tabangi sila nga mas higugmaon si Jehova.
Gidapit ka nga itudlo ang pinakaimportanteng mensahe nga gihatag ngadto sa mga tawo. Segurado ming molampos ka samtang nagasalig “sa kusog nga gihatag sa Diyos.”—1 Ped. 4:11.
Imong mga isigkamagtutudlo,
Nagamandong Lawas sa mga Saksi ni Jehova
