Ebaruha y’Akakiko k’Abarisa
‘Mushemerire kuba abegesa.’ (Heb 5:12) Tekateka oku Omwegesa murungi omu iguri n’omu nsi Yehova ari kutweta ngu twegese abandi ebiri kumukwataho! Omurimo g’okwegesa ebiri kukwata aha mazima ga Yehova omu ka, omu kibina, ninga omu murimo g’okuburira ni omugisha g’omuhendo. Ni bata oku turi kubasa kuguhikiriza ge?
Ecokugarukamu nitukishanga omu bigambo ebi entumwa Paulo yahandikire Timoseo ari kumugira ngu: ‘Oyezirice kushomera abantu Ebyahandikirwe, n’okuburira, n’okwegesa.’ Paulo akongeraho ngu: ‘Ahakuba omu kukora osyo, noyija kwejuna, kandi ojune n’abari kukuhurira.’ (1 Tim 4:13, 16) Twine obutumwa oburi kujuna abandi obu tushemerire kubahisyaho. Obwe rero ni kikuru munonga kwemanyiza kushoma n’okwegesa. Aka katabo kakatebekanisibwa ngu kakuyambe kukihikaho. Reba bimwe omu birimu.
Ecahandikirwe ekiri kuba kiri ahari buri peji, nikiba kirimu omusinge g’omuri Bibuli oguri kubuganisa n’ekicweka c’okwega ninga shi ecokureberaho eki ori kubasa kukuratiza
Yehova ni Omwegesa mukuru. (Isa 30:20) N’obu aka katabo kari kubasa kukukwasa kukizaho kuba omushomi n’omwegesa murungi, konka toshemerire kwebwa ku Yehova ari we burugo bw’obutumwa obu turi kwegesa kandi ku ari we ori kwehisya abantu. (Yoh 6:44) Obwe rero oshemerire kumushaba omwika oguri kwera. Guma okorese Ekigambo ca Ruhanga. Kugira ngu okizeho kukunda Yehova, ogume omwesige otariyesiga obushoborozi bwawe.
Nakuhiga ngu oyegese abantu ekigambo ceye oku ori kubasa kona. Nitwesigira kimwe ngu ku orayesige ‘amani agu Ruhanga’ ari kukuha, noyija kubihikaho.—1 Pet 4:11.
Abegesa bagenzi banyu,
Akakiko k’Abarisa k’Abahamya ba Yehova
