‘Nyu mukale anamahudhiha’. (Heb. 5:12) Kubuwela! Jeova namahudhiha munlubale eelabo yatene. Wona wi olaleya mutholo ni mabasa athima, Jeova ohunithanela wahudhiha athu ebaribari yaye, vamuralani, mmulogoni vamodha ni mmalaleyelo. Kivano, nnande addi okala anamalaleya apama?

Yowakulaya enfwanyeya vakartani na Pawulo aamulebeliye Timotiyu ninwoga: “Wilibihere wileri vanamwinjhini, olibiha ni ohudhiha.” Pawulo omwaddelave: “Werana ndo, ommaavulusa aliba enuvuruwana vamodha ni weya.” (1 Tim. 4:13, 16) Nihikanna muthenga onavulusa dhigumi. Bumwahaya ninfunihu nilibiherege wileri pama ni ohudhiha pama. Livuru nna nlebeliwe wi nukavihere epaddi yeyo. Kasugwa dhokavihera dhinna livuru nna:

Livuru nna nnere wukavihera okala namileri apama, nnamahudhiha apama. Mbwenye kudduwale wihina Jeova dinithaniwa “Namahudhiha Munlubale”. (Isa. 30:20) Muthenga ninlaleyihu bwaye, ni duliye anasakula athuya. (João 6:44) Kulepele, olobela olobaga muzimu wa Mulugu, ni kuhiye omulabana Bibliya. Wawonihege athu mubuwelo wa Jeova ohiya owogaga mubuwelo wawo. Efunelwawo, ekale yowakavihera athu, okalana odhivela wa vati va murima ni Jeova.

Ohudhiha ebaribari ya Jeova, nibasa nathima nivahiwihu. We onere okala namahudhiha apama, waroromela “kopolo dha Mulugu.”— 1 Ped. 4:11.

Ni anamahudhiha akwaawo,

Nikuru Nolamulela na Anamona a Jeova