‘Jij schåle inlëre.’ (Heb 5:12) Is dat ni taum bewuunren? Jehovaa is dai oiwerst wat inlëre däit un däit oos nööge taum dai lüür inlëre oiwer em. Wij häwe oiwer oos dai wårhët inlëre oiwer Jehovaa ine famijlg, ine gemaind un upm preegarbëd, dat hät groote wërd. Wosoo koine wij gaud inlëre forståe?

Wij koine dai antwoord fijne fon dat wat Paul tau Timóteo sreewe hät: ‘Dau dij uiwe taum leese foir dai andrer, dai andrer koråsch geewe taum måke wat gaud is un inlëre.’ Paul hät dit uk sreewe: ‘Weegen wen’s duu bijblijwe däist dit måke, den däist duu dij alaine rere un uk dai wat dij hööre.’ (1 Tim 4:13, 16) Dai beschaid wat wij preege kan der lüür eer leewend rere. Den is nöörg dat’s duu beeter leese un inlëre däist. Dårtau dit dün bauk is måkt woore taum dij helpe.  Sai wek daile wat hijr in ståe:

Dit dün bauk däit dij helpe beeter leese un inlëre. Åwer forgeet dij ni, is Jehovaa wat dai ‘Best Schaulërer’ is. (Isa 30:20) Oos beschaid kümt fon em, un is hai wat dai lüür uutsöcht. (João 6:44) Dårweegen dau beere, dau der hailig gaist forlange un dau ümer dai Bijbel benutse. Dau dai lüür helpe taum saie wat Jehovaa denke däit un ni wat’s duu maine däist. Duu must dij anstrenge taum dai lüür helpe Jehovaa sër lijbe.

Dai wårhët oiwer Jehovaa inlëre, is dai arbëd wat der mërste wërd hät. Un duu büst nöögt woore taum dit måken. Wen’s duu bijblijwe däist dij forlåte ‘up dai kraft wat God giwt’, gans sicher duu kast gaud inlëre. (1 Ped 4:11)

Dit kümt fon dai wat mit juuch t’hoop arbëre daue,

Grup Kërls wat Jehovaa sijne arbërd lenkt