‘Yachachijcunami tucuna canguichi’ (Hebreos 5:12). Tucuita alipacha yachachij Jehová Diosmi shujcunaman paimanda cabalta yachachichun mingashca. Familiaman, congregacionbi huauquipanicunaman, gentecunaman yachachinaca shuj jatun bendicionmi can. Shinapash, shuj jatun responsabilidadmi can. Shinaca aliguta yachachingapaca ¿imatata rurana capanchi?

Apóstol Pabloca Timoteotaca nircami: ‘Diospa Shimitaca liijungui, aliguta yarichishpa rimangui, yachachingui. Shina rurashpami, canbash quishpiringui, can villachijta uyajcunapash quishpiringa’ nishpa (1 Timoteo 4:13, 16). Shinaca, gentecuna salvarichun ayudai ushashcamandami, ashtahuan aliguta liingapaj, yachachingapaj esforzarina capangui. Cai folletomi quiquindaca ashtahuan mejorachun ayudanga. Shinaca, cai folleto imashina cajta ricupashun:

Jehová Dioshna alipacha yachachitaca pipash na ushanllu (Job 36:22). Ashtahuan aliguta liichun, yachachichun cai folletopi yuyaicuna ayudajpipash, Jehová Dios yachachijushcata, gentecuna paiman quimirichun paillata ayudajushcataca na cunganachu capangui (Juan 6:44). Chaimandami Jehovataca canba espíritu santohuan ayudahuai nishpa mañana capangui. Bibliatapash siempre utilizangapami esforzarina capangui. Quiquin ali yachachijunshnalla ricurinapa randica, Jehová yachachijujta intindichun, paita tucui shunguhuan juyachunmi gentecunataca ayudana capangui.

Ali villaicunata villachina bendiciondami chasquipashcangui. ‘Taita Dios [paipa] ushaihuan’ ayudanata confiashpaca, alimi yachachi ushapangui (1 Pedro 4:11).

Cangunapa cumbacuna,

Testigo de Jehovacunapa Cuerpo Gobernante