Lil kathar le tradimaske manusha
„Sityara trubulas te aven” (Héb 5:12). Gindin andre: O Jehova, kon pe intrego luma o legmajlasho sityari si, pe kodo mangel amen, te sityaras pa leste kaveren. Te sityaras o chachipo pal o Jehova pe sako thaneste, – ande familija, ando gyülekezeto, thaj kana ingras le Devleski Vorba –, kadi bari patyiv, thaj bari butyi si. Sar shaj avas lashe sityara?
O Pal del palpale vorba, kon kadi iskirindas le Timoteuseske: „ginav opre majdur, sityar, thaj zurar andar tyiro jilo.” Thaj pashe shuttas: „ke kade te keresa, vi tut muntusares, thaj vi kodolen, kon shunen pe tute” (1Tim 4:13, 16). E vorba so perdal trubul te des le manushenge, muntuj o trajo. Sidyar, majfeder te ginaves thaj te sityares. Kadi irka anda kodo kerdyilas, te zhutil tut ande kado. Dikhas jekh-duj ande late.
Pe sako rig avla jekh Bibliako versho. Kado shaj avel jekh krisi vagy jekh példa, so avri vazdel sar zhanes te keresla.
O Jehova si o majbaro sityari (Ézs 30:20). Kadi irka zhutila, ke majmishto te zhanes te ginaves, thaj te sityares. De te na bistres, ke amari vorba kathar o Jehova si, thaj voj cirdel le manushen pasha peste (Ján 6:44). Butivar mang le Jehovasko sunto duxo! Tromasa vorbin andar le Devleski Vorba! Po Jehova sikav opre, na pe tute! Pe kodo t’aves, ke kon shunen tut, te kamen le Jehovas!
Kodi si tyi butyi, ke majfeder de perdal e vorba le manushenge. Zhanas, ke kado zhala tuke, zor te les kathar o Del (1Pét 4:11).
Kon tumenca kethane keren butyi
Le Jehovaske Chache Manushenge tradimaske manusha
