‘Mufooke abegesa.’ (Baheb. 5:12) Kitekerezeeho! Yahwe—Omwegesa arukukirrayo kimu kwegesa kurungi—atuhaire omugisa ogw’okwegesa abandi ebirukumukwatoho! Omulimo ogutwine ogw’okwegesa amananu agarukukwata hali Yahwe—omu ka, omu kitebe, rundi omu buheereza—mugisa gw’amaani kandi bujunanizibwa bw’amaani. Nitusobora tuta kuhikiriza kurungi obujunanizibwa bunu?

Eky’okugarukamu nikisangwa omu bigambo Omukwenda Paulo yahandikiire Timoseo: “Oyekambege omu kusoma nokugambi’ra, nokwegesa.” Omukwenda Paulo akongera yagamba: “Baitu obwokora binu olyejuna wenka, kandi olijuna nabo abakuhu’ra.” (1 Tim. 4:13, 16) Oine obujunanizibwa obw’okutebeza amakuru amarungi agakujuna obwomeezi bw’abantu. Nahabweki kikuru kwongera kusemeza omulingo osoma hamu n’omulingo oyegesa. Burocuwa enu etekaniziibwe kukukonyera kukikora. Wetegereze ebimu ha bintu ebirumu:

Yahwe nuwe “Omwegesa Arukukirayo Obukuru.” (Is. 30:20, NW) N’obukiraaba ngu burocuwa enu niija kukukonyera kusoma n’okwegesa kurungi, oikale okimanyire ngu Yahwe nuwe Ndugirro y’obutumwa bwaitu kandi nuwe acunda abantu. (Yoh. 6:44) Nahabweki, ikara n’omusaba akuhe omwoyo ogurukwera kandi ikara n’okozesa Ekigambo kye. Oteserurra ekitinisa baitu kihe Yahwe. Lengaho muno kukonyera abarukukuhuliiriza kugonza Yahwe kuruga ha mutima.

Ohairwe omugisa ogw’okwegesa abantu obutumwa oburukukirrayo kimu obukuru. Nitukigumya ngu obworayesiga ‘amaani Ruhanga agaba,’ noija kusingura.—1 Pet. 4:11.

Abegesa bagenzi banyu,

Akatebe Akalemi ak’Abakaiso ba Yahwe