“Ei taata haapii hoi outou.” (Heb. 5:12) Auê te faahiahia e! O Iehova te Orometua Rahi roa ˈˈe o te ao taatoa te ani ra ia tatou ia haapii i te taata i te parau mau no nia ia ˈna. E haamaitairaa, e hopoia rahi atoa râ ia haapii i te reira i roto i te utuafare, te amuiraa e te tuhaa fenua! Eaha ïa te tauturu ia tatou?

Tei roto te pahonoraa i ta te aposetolo Paulo i parau ia Timoteo: “A tamau i te haamataro i te taio maitai i mua i te taata atoa, e te aˈo atu e te haapii atu.” Ua na ô â Paulo: “Mea na reira hoi oe iho e ora mai ai e te feia e faaroo ia oe.” (Tim. 1, 4:13, 16) E faaora te poroi ta oe e hopoi i te taata. No reira teie buka rairai i faaineinehia ˈi, ia aravihi oe i te taio e te haapii i te taata. A hiˈo na i te tahi mau tuhaa rii o teie papai:

Aita e orometua e faito ia Iehova! (Ioba 36:22) E tauturu teie buka rairai ia oe ia aravihi atu â i te taio e te haapii i te taata. Eiaha râ e haamoˈe na Iehova te poroi e na ˈna atoa e aratai i te taata ia ˈna ra. (Ioa. 6:44) A tamau ïa i te pure no te ani i te varua moˈa. A faaohipa pinepine i te Parau a te Atua. Eiaha e horoa i to oe manaˈo, a tauturu râ i te taata ia feruri i to Iehova huru e i to ˈna mau manaˈo. A haaputapû i te aau o te taata ia here ratou ia ˈna.

Ua titau-manihini-hia oe ia faaite i te taata i te poroi faufaa roa ˈˈe! Ua papu ia matou, “ma te turui i nia i te puai ta te Atua e horoa,” e amo maite oe i ta oe hopoia.—Pet. 1, 4:11.

To oe mau hoa ohipa,

Tino aratai a te mau Ite no Iehova