„მასწავლებერეფ ოკო რდათ“ (ებრ. 5:12). წერმიდგინით, სამყაროს არძაშ უჯგუშ მასწავლებერ — იეჰოვა, მირაგადნა, ნამდა შხვეფს თიშ გურშენ ოკო ვოგურუათ! იეჰოვაშ გურშენ ჭეშმარიტებაშ გურაფა, ოჯახის, კრებას ვარდა მსახურებაშ დროს დიდ პატი დო პასუხიშმგებლობა რე. მუჭო შემლებნა თე საქმეშ ჯგირო კეთება?

თეშ პასუხის ტიმოთეშა მეჭარილ პავლეშ სიტყვეფშე ბგებულენთ: „მთელ გურით უკითხ ხალხის, ქიგიოწურე დო ქაგურე“. პავლექ გეუძინ: „ირო თაშ მიქცი დო სქან დუც ხოლო ირსხენქ დო მარჩქილეეფს ხოლო“ (1 ტიმ. 4:13, 16). თქვა სიცოცხლეშ მუმაღალარ ამბე ოკო გინოჩათ ხალხის. ათეშენ, მნიშვნელოვან რე, გაუჯგუშათ კითხირიშ დო გურაფაშ უნარი. თე ბროშურა მიგეხვარებნა თეშ კეთებას. გუვარჩუათ თე პუბლიკაციაშ მუსხირენ მხარე:

თითოულ გვერდის ჭარჷ ბიბლიურ მუხლი, სოდეთ მოჩამილ რე ბიბლიურ პრინციპ ვარდა მაგალით, ნამუთ გაკვეთილს ოხუ

იეჰოვა დიდებულ მოძღვარ რე (ეს. 30:20). მართალ რე, თე ბროშურა მიგეხვარებნა, გაუჯგუშათ კითხირიშ დო გურაფაშ უნარ, მარა დღას ვაგგოჭყორდან, ნამდა ჩქი ფქადაგენთინ თე ცნობა იეჰოვაშე რე დო თის მოჸუნს ხალხ მუშა (იოან. 6:44). ათეშენ, ირიათო ქოთხით ღორონც წმინდა შური. ხშირას გეგმირინეთ თიშ სიტყვა. ყურადღება ირიათო იეჰოვაშა გეგნიღით დო ვართ ხოლო თქვან დუდშა. ეცადით ხალხიშ გურს იეჰოვაშ ჸოროფა გავითარათ.

თქვანდა რე მენდებულ კაცობრიობაშ ისტორიას არძაშ უმოს მნიშვნელოვან ამბეშ ქადაგება. ჩქი დარწმუნებულ ვორეთ, ღორონთიშ ძალას ქიმიენდებუთ-და, წარმატებულეფ იჸუაფუთ (1 პეტ. 4:11).

თქვან თანამსახურეფ

იეჰოვაშ მოწმეეფიშ ხემძღვანელ საბჭო