“Tokony efa ho papianatra anaro.” (Heb. 5:12.) Diniha hely baka Jehovah, Papianatra farany mahay, mikaiky atsika hampianatra olo raha momba izy! Tombontsoa tsisy ambaka izy zen̈y hanan̈antsika izikoa atsika irahin̈y hampianatra ny marin̈y momba Jehovah, na amy fianakavian̈a zen̈y, na amy fiangonan̈a, na amy fanompoan̈a, kanefa misy andraikitry maventy koa miaraka aminany. Akory ahavitantsika zen̈y?

Hitantsika baka amy raha nisoratiny apostoly Paoly tamy Timoty ty valinizen̈y: “Mifen̈a mare amy vakiteny an̈ivonolo jiaby, ndreky amy fan̈anaran̈a, baka io amy fampianaran̈a.” Karaha ty koa nivolan̈iny: “Anao koa man̈ano zen̈y, hovoavonjinao ain̈inao ndreky olo jiaby mitandren̈y anao.” (1 Tim 4:13, 16) Mamonjy ain̈y hafatra indesintsika io. Ke ten̈a tokony hifen̈y mare atsika hankatsara vakitenintsika ndreky fampianaran̈antsika. Han̈ampy anao hahavita zen̈y bokikely ty. Zahava ino aby raha misy ao:

Bokikely ty han̈ampy anao hankatsara mare fahaizanao hamaky teny ndreky hampianatra. Aza adin̈a fa tsisy papianatra mahay mandilatra Jehovah. (Joba 36:22) Ndray zen̈y, aza adin̈a fa baka amy Jehovah hafatra indesintsika io, sady izy fo koa mitaon̈o olo han̈aton̈o izy. (Jaona 6:44) Mivavaha matetiky baka hahazo fan̈ahy masin̈y. Aza misalasala mampiasa Volan̈a Zan̈ahary. Jehovah fo hifantoha, fa tsy aminy ain̈inao. Ampia fo iro olo aby mitandren̈y anao io baka ho fatatra tsarabe fitiavandro Jehovah.

Jehovah nan̈iraka anao hitory vaovao tsara. Tsisy hafatra maventy mandilatra zen̈y. Anao koa ‘mitavandra angovo baka aminany’, ho vitanao tsara edy asa io!—1 Pet. 4:11.

Iro miaraka miasa aminao,

Filankevipitantan̈any Vavolombelon̈o Jehovah