‘Lufueti ba minlongi.’ (Ebe. 5:12) Yidi diambu di lukumu lunneni phila Yehova, Nlongi nio lutidi zangama ku diyilu ayi va ntoto, katulombidi tulonga batu mambu mandi! Longa kiedika kitadidi Yehova mu dikanda, mu kimvuka voti mu kisalu ki tsamununu kidi kiyeko kinneni ayi yidi lukumu lo tufueti kambu bongila mu lueya. Bue tulenda dukisila kiyeko beni mu phila yimboti?

Ziphova zio thumu Polo kasonikina Timote ziveni mvutu mu kiuvu beni, zitubidi ti: ‘Wukiyekula mu tanga masonoko va ntuala batu boso, mu lubulanga batu, ayi mu longanga.’ Buedidi diaka ti: “Ngeyo vanga bobo, buna wela kivukisa ngeyo veka ayi wela vukisa batu bobo beta ku wa.” (1 Tim. 4:13, 16) Tsangu yo tulembo natina batu yilenda kubasadisa babaka moyo wu mvu ka mvu. Diawu mfunu wombo yidi ti wu mosi mosi mu beno katula ngolo mu bongisa phil‘andi yi tangila ayi yi longila. Mwa buku fiafi fikubukulu mu kusadisa mu diambu beni. Tala mua ndambu mambu mo mawumona mu khati:

Yehova widi ‘Nlongi Wunneni.’ (Yes 30:20) Mua buku fiafi mafi sadisa wubongisa phil’aku yitangila ayi yi longila; vayi kadi zimbakana ti tsangu yo tueta longa yidi yi Yehova ayi niandi veka weta benda batu. (Yowani 6:44) Diawu, sambilanga buwombo mu diambu di tomba pheve santu. Sadilanga buwombo Mbembo Nzambi. Sadisanga batu bamona Yehova, vayi bika ngeyo veka. Sadisa batu bo balembo wa bazola Yehova mu ntim’awu woso.

Kiyeko kidi yaku kidi kilonga nsamu wo wulutidi mfunu wo batu bafueti wa. Tuidi na vuvu ti ngeyo tula ntima ‘mu zingolo zio zimvananga Nzambi,’ wela tona tanga ayi longa bumboti.​—1 Pi. 4:11.

Bakundi baku ba kisalu ki tsamununu,

Kimvuka kintuadisi ki Bambangi zi Yehova