ITUUGHẠ 1
Oghaạph Oghughuronhom Dị Amhoon
Iiḍighi 17:22, 23
OGHAẠPH OOKARAGH: Oghaạph oghughuronhom mọ anạ aḍạ ḍiḅeraạn, aagholhomhi emhuoghaạph phọ, aḅilhẹ aḍeenhaan iyaạr phọ ewạ bọ dị buphẹ ronaghạn bọ k’oler rurụ ongọ.
IPẸ NẠ KAḌIGHI BỌ:
-
Ḍạ ḍiḅeraạn. Saḅạr ḍipuru, iyaạr dị emitenhaan oye, iinhaghạn obobọ torobọ iyaạr dị k’eḅeraạn buphẹ ronaghạn bọ.
-
Mạ amiteom emhuoghaạph ph’anạ. Maạr amhiịn mọ oghaạph oghughuronhom mọ anạ aagholhomhi ni emhuoghaạph phọ, r’iyaạr phọ nạ atụ bọ kụ rangọ oghaạph phọ.
-
Ḍeenhaan iyaạr phọ eḍighi bọ kụ emhuoghaạph phọ emhạn bọ maạr. Oghaạph phọ ku/gbọl esi araraạr phọ reeḅaghamhị bọ buphẹ nạ rakaaphạn bọ. Oye ‘ye anhaghanhạn ni ipẹ odị asighẹ aḍighinhom, kụ kelọgh bọ ḍighaạgh.