BUŊGƐI WALII 1
Suɛi Kandɔɔ Nyɛkɛndɛi
Walta Wanaa Chiisuaa 17:22
SƆƆŊ KULLOŊ: Mɛɛ ma kandu suɛi o nɛi o chua waŋnda yeemɛiyo choo. Chɔm suɛi numnde, nduyɛ ma chɔm le sabu suɛi keŋ cho i sɔvɛ o wanaa cho num nilaŋ yaŋɔɔ wa lo wo.
VƐƐ Ŋ TOSA YƐ HEI?
-
Chua waŋnda yeemɛi. Kandu a nyunaa, suɛi yɔŋnaŋnde, te koŋ te sɔɔŋ wanaa cho num nilaŋ yaŋɔɔ wa nɔ yeemɛi leniŋ ndoŋ.
-
Chɔm suɛi numnde: Te a kandu pɛ suɛi, tosa a sabu mi wanaa cho num nilaŋ yaŋɔɔ wa sina suɛi num keŋ, nduyɛ, le sabu ŋ cho ndi yɔŋgoo wo.
-
Chɔm le sabu suɛi keŋ cho i sɔvɛ wo: Tosa a sabu mi wanaa cho num nilaŋ yaŋɔɔ wa soliŋ suɛi numnde kpeku le bahawɛila ndalaŋ solioo. A nɔ ma che mɛɛ suɛi keŋ mala nda o yoomoo niŋ yɛ.
