XNAQʼTZBʼIL 1
Qʼamanxa tbʼanel yol aj t-xi tzyet tuʼn tyolina
Hechos 17:22
TOJ CHʼIN YOL: Tbʼanel qa ma tzʼok kyqʼoʼn xjal kywiʼ tiʼjju tyola kxel tqʼamaʼna tnejel. Ax ikx il tiʼj tuʼn t-xi tyekʼina kye alkyexix xnaqʼtzbʼil in yolina tiʼj ex tuʼn tel kynikʼ tiʼj tiquʼn nim toklen xnaqʼtzbʼil te kye.
TZEʼN JAKU BʼANT
-
Tzʼonina kyiʼj qeju in che bʼin tuʼn tok kyqʼoʼn kywiʼ tiʼja. Bʼaʼn tuʼn t-ximana tiʼj jun xjel, tiʼj jun tiʼ o tzikʼ kyiʼj xjal moqa tiʼj jun akʼaj tqanil kyaj tuʼn tok kybʼiʼn.
-
Yekʼinxa alqiʼj in yolin xnaqʼtzbʼil. Aj t-xi tzyet tuʼn tyolina, bʼaʼn tuʼn tok tilil tuʼna tuʼn tel kynikʼ xjal tiʼj alqiʼj in yolin xnaqʼtzbʼil ex tiquʼn in yolina tiʼj.
-
Yekʼinxa tiquʼn nim toklen xnaqʼtzbʼil aju. Bʼaʼn tuʼn tyolina tiʼjju in bʼaj kykʼuʼj tiʼj. Tbʼanel tuʼn tel kynikʼ tiʼj qa aju kxel tqʼamaʼna kye kʼonil toj kyanqʼibʼil.
