Dira gore batho ba nyake go go theetša. Inyakele potšišo yeo e tlago go dira gore batho ba nyake go go theetša, goba o bolele taba e itšego, selo seo se diragetšego goba seo o se kwelego ditabeng seo se ka dirago gore ba go theetše.

Bolela taba ya gago di tloga fase. Matsenong a gago, kgonthišetša gore batheetši ba gago ba kwešiša taba yeo o tlo ba botšago yona goba morero wa polelo ya gago.

Dira gore batheetši ba bone bohlokwa bja taba ya gago. Dira gore seo o se bolelago se swanele batheetši ba gago. Motheetši yo mongwe le yo mongwe o swanetše go kwešiša gabotse kamoo taba ya gago e ka mo thušago ka gona.