ISOMO LYA 1
Enshokolezi Nyinja
Ebijiro byʼEntumwa 17:22
OBOFOFI: Enshokolezi yawe eshinganine ezukize abumvirhiza bawe irala ly’okukuyumvirhiza, eyerekane omwanzi waganirira n’okuyerekana bulya gurhi abumvirhiza bawe bashinganine baguyumvirhize.
OKU WAKAJIRAMWO NTYO:
-
Ozukize abumvirhiza bawe irala ly’okukuyumvirhiza. Ocishoge idoso, enderho, ebintu biri byahikira omu kalamo erhi myanzi milebe eri yaganirirwa yakazukiza abumvirhiza bawe irala ly’okukuyumvirhiza.
-
Oyerekane omwanzi waganirira. Ojire enshokolezi yawe erhabale abumvirhiza bawe okumanya bwinja omwanzi waganirira n’omuhigo gwawe.
-
Oyerekane bulya gurhi omwanzi waganirira guli gwa bulagirire. Opatanise ebi oli waderha n’amalagirire g’okunali g’abumvirhiza bawe. Bashinganine bahugûkwe n’obwalagale gurhi omwanzi oli wabaganirira gwakabarhabala.
