PONJI MIR 3
Nitio ma ber ku penji
Matayo 16:13-16
LEMBE M’ICOPO TIMO: Penj penji ku rieko pi nimio ava mi winjo ponji i kum dhanu, pi ninyamu i lembe kugi, man pi niketho nwoc iwi paru ma dongo.
KITE M’ICOPO TIMO KO:
-
Mii ava mi winjo ponji i kum dhanu. Penj penji ma copo cwalu juwinj peri gipar iwi gin m’ibeponjo, kunoke ma copo ketho gibed ku mito mi ng’eyo dwokowang’ penji m’iai ipenjo.
-
Nyam i lembe ku dhanu. Woth penjo penji pi nicwiyo wec peri ma ber, kara juwinj ginen nia iai kani ku wec man ibecidho ko ke kani.
-
Keth nwoc iwi paru ma dongo. Penj penji ma telo nen mi dhanu i wang’ niwodho paru moko ma pire tek. Tii ku penji mi poyowic pi nidok iwi lembe ma dongo dongo m’iai iweco i wigi, kunoke pi nicoko dhu ponji peri.
