LECCIÓN 3
Jisktʼanakamp yatichaña
Mateo 16:13-16
¿KUNSA LURAÑAMA? Kuna toqettï parlkäta uka toqet jaqenakan yatiñ munapjjañapatakejja, wali amuyumpiw jisktʼañama. Ukat jupanakamp sum amuytʼañatakisa, wakiskir yatichäwinak qhanstayañatakis jisktʼañamarakiwa.
¿KUNJAMSA UK LURASMA?
-
Jukʼamp yatiñ munapjjañapatak yanaptʼam. Istʼirinakan jukʼamp yatiñ munapjjañapatakisa, uka toqet jukʼamp lupʼipjjañapatakis jisktʼañamawa.
-
Mä toqetak amuytʼayam. Jisktʼasaw istʼirinakarojj sum amuytʼapjjañapatak yanaptʼañama. Ukham luräta ukhajja, jupanak pachpaw sum amuytʼapjjani.
-
Wakiskir yatichäwinak qhanstayam. Mä wakiskir yatichäwit parlkasajja, istʼirinakarojj jisktʼañamawa, ukaw jukʼamp yatiñ munapjjañapatak yanaptʼani. Mä yatichäwi qhanañchkäta ukhasa, mä arstʼäwi janïr tukuykäta ukhasa, jan armasipjjañapatakejj jisktʼañamawa.
