LIKE SUANLƐ 3
Kosan usalɛ
Matie 16:13-16
LIKE NG’Ɔ FATA KƐ A YO’N: Usa kosan nga be kwla yo naan ndɛ tiefuɛ’m be konvi w’a sɔ ndɛ nga a su kan’n i tielɛ’n. Asa ekun’n, kosan nga be kwla uka be naan b’a wun ndɛ’n i wlɛ’n, usa be wie. Asa kusu’n usa kosan wie mun naan ndɛ cinnjin’m be ɲin fite kpa.
WAFA NGA Á YÓ’N:
-
Yo maan ndɛ’n i tielɛ’n yo sran’m be fɛ. Usa kosan wie m’ɔ kwla uka ɔ ndɛ tiefuɛ mun naan b’a bu ɔ ndɛ’n i su akunndan’n. Annzɛ kusu’n, usa kosan wie mɔ be klo kpa kɛ bé sí i su tɛlɛ’n.
-
Yiyi ndɛ’n nun. Yo maan be wun ndɛ nga a su yiyi nun’n i wlɛ weiin. I lɛ nun’n, a kwla usa kosan wie mun.
-
Tin ndɛ cinnjin’m be su. Kwlaa naan w’a yiyi ndɛ cinnjin kun nun’n, dun mmua usa kosan kun fa bo i ɲrun atin. Kɛ a ko wie ndɛ cinnjin kun nun yiyi’n, usa kosan wie mun fa flan ɔ ndɛ’n nun. Ɔ ndɛ’n i atabo’n nun’n, a kwla yo i sɔ wie.