CAWN DINGMI 3
Biahalnak Hna Hmannak
Matthai 16:13-16
A TAWINAK: A ngaitu hna nih lungthawhnak an ngeih peng nakhnga, khuaruat in an tuaktan khawh nakhnga le a biapimi kong langhternak caah biahalnak hna kha fimkhur tein hmang.
TUAH KHAWH NING:
-
Lungthawhnak an ngeih peng nakhnga i zuam. A phi a hau lomi biahalnak nih a ngaitu kha khua a ruahter hna. Asiloah a phi kha hngalh duhnak a ngeihter hna.
-
A konglam kha ruat law tuaktan. A hmaanmi biakhiahnak a tuahter dingmi biahalnak hna kha hmang. Mah nih a konglam pakhat kha ṭha tein ruat in tuaktan awkah a ngaitu kha a bawmh hna lai.
-
A biapimi kong kha a hleiin langhter. A biapimi a kong pakhat chim awkah hngalh duh awk a simi biahalnak in thawk. A biapimi a kong nan i ruah dih tik asiloah phungchimnak a donghnak ah i ruahṭi ṭhannak biahalnak hna kha hmang.
